“Ilaçet për presionin e lartë të gjakut mund të përmirësojnë shanset e mbijetesës për ata që janë sëmurë rendë prej COVID-19 dhe të zvogëlojnë ashpërsinë e infeksionit” – kështu thuhet në një hulumtim të kryer nga një grup shkencëtarësh në Universitetin e Anglisë Lindore në Mbretërinë e Bashkuar, botuar sot në revistën Atherosclerosis Reports.
Studiuesit hulumtuan 28,000 pacientë që morën antihipertensivë – një grup ilaçesh që përdoren për trajtimin e hipertensionit (presionit të lartë të gjakut) – dhe thanë që rreziku i vdekjes ishte zvogëluar për pacientët të cilët po merrnin Angiotensin.
Pacientët e trajtuar me këtë grup ilaçesh kishin 0.67 herë më pak të ngjarë të kishin një rezultat kritik ose fatal nga koronavirusi se ata që nuk i morën këto ilaçe.
![](https://shqiptarja.com/template/img/NO_ALFA_Kuadrate shqiptarja.png)
“Në fillimin e pandemisë, ekzistonte shqetësimi se ilaçet specifike për presionin e lartë të gjakut mund të lidheshin me rezultate më të këqija për pacientët me COVID-19”, - tha studiuesi kryesor Dr. Vassilios Vassiliou, pedagog klinik në mjekësinë kardiovaskulare në Universitetin Shkolla Mjekësore Norëich nën Angli, duke shtuar se njerëzit me probleme kardiovaskulare kishin më shumë rrezik.
Një shënim i rëndësishëm i studimit paralajmëron gjithashtu se ekipi hulumtues nuk po rekomandon që njerëzit me COVID-19 të fillojnë të marrin këto ilaçe.
“Ne nuk jemi në gjendje të adresojmë nëse përdorimi i tabletave të tilla në mënyrë akute te pacientët me COVID-19 mund të përmirësojë prognozën e tyre, pasi mekanizmi i veprimit mund të jetë i ndryshëm tek çdo pacient” – tha Vassiliou
Ekipi hulumtues analizoi të dhëna nga 19 studime në lidhje me COVID-19. Analiza përfshiu më shumë se 28,000 pacientë dhe, tha Vassiliou, është studimi më i madh dhe më i detajuar deri më tani për këtë çështje. Ata krahasuan të dhënat nga pacientët COVID-19 që po merrnin ilaçe ACEi ose ARB me ata që nuk po merrnin ilaçe të tilla.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)