'Studio Live'/ Qefalia: Shqipëria me hapat e duhur për në BE! Po mendohet shërbimi i detyrueshëm ushtarak! Sidi Hasanaj: Non-gratat përfaqësojnë interesat pro-ruse

TIRANË - Deputeti socialist Xhemal Qefalia dhe Sidi Hasanaj nga demokratët euro-atlantikë, ishin të ftuar në ‘Studio Live’ ku folën për ecurinë e Shqipërisë në BE, por edhe për zhvillimet e fundit politike në rajon. Qefalia thekson për Arbër Hitajn se 35 grupkapitujt e detyrueshëm do të hapen brenda 2027, e në 2030 do ndodh anëtarësimi.

'Është fakt, zhvillimet e fundit mes qeverisë dhe BE-së solli si domosdoshmëri për të sjellë në vëmendje që Shqipëria është në rrugën e duhur, ka ecur në mënyrë ritmike. Shqipëria po bën hapat e duhur për në BE. Kemi nënshkrimin e marrëveshjes e BE me ministrinë e Mbrojtjes, lidhur me mbrojtjen kibernetike. Edhe takimi i nesërm me BE-në, do bëjë të mundur që Shqipëria sipas projeksionit, deri më 2027, 35 kapitujt e detyrueshëm për tu kaluar në legjislacion do kalohen. Por edhe premtimi për ta çuar Shqipërinë në BE në 2030.'

Sipas tij, reformat e Shqipërisë janë të dukshme.

'Reformat janë të dukshme. Nuk është vetëm reforma në drejtësi. Ka dhe të tjera që kanë të bëjnë me stabilitetin e Shqipërisë në rajon, vend i një mundësie si shembull për gjithë rajonin. Po ecim me ritëm të barabartë si Kroacia në BE. Kemi bërë progres goxha pozitiv.'

Hasanaj e sheh përparimin e Shqipërisë në BE jo aq me përparimin e vendit, se sa me situatën gjeopolitike dhe se Shqipëria siguron stabilitet në Ballkanin Perëndimor.

'Shqipëria ka bërë progres shumë të mirë në përparimin, mekanikën si ka përparuar. Tjetër pastaj substanca. Shqipëria ka 3 reforma kryesore, mirëqenia, infrastruktura dhe reforma në drejtësi. Nëse meritojmë vendin në BE, dhe prevalon performanca në krahasim me rajonin. Bëjmë një fakt chek dhe dele kundërta. Pagën mesatare më e ulëta në rajon. Përveç Kosovës.

Kosto për rrugët për 12 mln euro për km 2. 6 mln për km2 në BE. 8 mln vendet e rajonit. Kush është arsyeja që po përparojmë kaq shumë? Ne jemi vend stabil, sa i përket dinamikës gjeo politike. Ndryshe nga Maqedonia e Veriut. Nuk ka problemet që ka veriu i Kosovës. Nuk prevalon performanca ekonomike, por stabiliteti që ofron Shqipëria në rajon. Duhet një platformë kontrolli e sigurt që e ofron një drejtësi e monitoruar, që nuk krijon njënhabitat të rrezikshëm për BE.'

Qefalia shtoi më pas se Shqipëria ka përmbushur detyrimin me 2% të PBB për NATO-n.

'Mjedisi i sigurisë rajonale është një domosdoshmëri. Jo vetëm në marrëveshjen e sotme, por edhe në buxhetin e shtetit të 2025, kjo mazhorancë ka përmbushur kriterin që të gjithë vendet e NATO të kenë 2% të prodhimit të brendshëm. E bën ushtrinë që të jetë krenare dhe përfaqësuesit e forcave tona të jenë dinjitoz. Besoj se forcat tona të armatosura kanë përmbushur kuadrin ligjor, po avancojnë më tej për modernizimin e ushtrisë, edhe në fushën e këmbësorisë por edhe në forcat detare dhe ajrore. Me këtë ritëm FA do kenë garanci absolute por edhe të krijuar siguri në Ballkan Perëndimor.'

Ndërsa thotë se po mendohet futja e shërbimit ushtarak të detyrueshëm.

'Ai shërbim që ndër vite quhej si shërbim i rëndomtë, ka ardhur koha të shikohet i rëndësishëm. Janë parashikuar 2100 forca në situata të ndryshme ushtarake. Jo vetëm ushtarë të thjeshtë por edhe oficerë për ta rritur ushtrinë në shifra që shkojnë në raport me numrin e popullsisë. Po mendohet edhe shërbimi i detyrueshëm, jemi koshient që sot kemi grup-mosha 30-40 vjeç që ende nuk dinë ta përdorin armën. Në 6 muaj do ishte mirë të ketë shërbim të detyrueshëm ushtarak. Duke e menduar këtë dhe parë në situatën gjeo-strategjike shumë vende të NATO nuk janë në afatet 2%. Ka vende që e kanë kapërcyer këtë prag. Kjo sjell domosdoshmërinë, nuk do jetë vetëm 2%, por ka nevojë për ushtri moderne dhe bashkëkohore.'

Qefalia nënvizon se ka sulme kibernetik ruse dhe serbe të koordinuara ndaj Shqipërisë. 

'SHBA janë lider në çdo aspekt, vendosja e individëve non grata apo atyre që sjellin e destabilitet kanë sjellë nominimin me emër mbiemër, tregon vëmendjen që ka SHBA. Janë ca gjëra që nuk mund të bëhen publike. Nuk mungojnë sulmet kibernetike që pengojnë veprimtarinë e FA apo për të sjellë destabilitet.'

Sa i përket non gratave, Hasanaj i shikon si persona kundër interesave amerikane dhe me afilacion pro-rus.

'Me shpalljen e fundit non grata, plotësohet panorama në BP. Në gjithë globin me non gratën e sotme shkon në 167 e personave apo aktorëve politikë. 27 vetëm në BP, mes tyre pjesa dërrmuese janë aktorë dhe faktorë të botës ruse serbe, si Dodik, si disa politikanë non grata nga Kosova, si në Maqedoninë e Veriut. Në Shqipëri dhe Ballkan po bëhet fushë betejë mes flukseve perëndimore, dhe ato ruse. ka disa fytyra. Lufta në Shqipëri është e kamufluar në influencat politike.

Lejohen politikanët non grata në Shqipëri dhe Kosovë, arsyeja kryesore ka qenë korrupsioni dhe minimi i demokracisë, kuptoj si afilacion pro-rus. Shteti shqiptar duhet të marri masa të tjera që njerëzit e shpallur non grata duhet të kenë hetim më të thellë për lidhje me Rusinë. Ka dhe sektorë të ekonomisë janë të kamufluara me kompani me qendër në lindje të Evropës. Vende të ish republikave baltike, në sektorin e metalurgjisë, industrisë, ndërtimtarisë.'

Rendit zhvillimet sipas orarit:

Të Fundit Të Parat

G.K/S.G/Shqiptarja.com

TAG:
• non grata
• sulme kibernetike
• ballkani perendimor
• BE
• Tirane
• Sidi Hasanaj
• xhemal qefalia
• studio live