Takim me Sigurimin,Alia:E vërteta
për asgjesimin e dosjeve në 1990

Takim me Sigurimin,Alia:E vërteta<br />për asgjesimin e dosjeve në 1990
Kjo është pjesa e dytë e inçizimit të takimit të Ramiz Alisë me drejtuesit e Sigurimit të Shtetit dhe të Policisë me 17 gusht. Ndërsa në pjesën e parë të inçizimit, të cilin e botuam dje në Shqiptarja.com, diskutimet zbulonin tensionin e krijuar pas kritikave të Ramiz Alisë ndaj strukturave drejtuese të Ministrisë së Brendshme duke i fajësuar ata drejt për drejt për ngjarjet e ambasadave, në vijim, në pjesën e dytë të inçizimit që po e botojmë sot, diskutimet zbulojnë çështje me kontrete si:asgjësimi i dosjeve që lidheshin me çështje të agjitacionit e propagandës, apo mënyrave të mbajtjes nën kontroll të të rinjve nëpër shkolla e Universitete. Më poshtë e sjellim të plotë pjesën e dytë të këtij inçizimi.
Ad.Pe

PJESA E DYTE
(Vijon nga dje)
Adriatik Muha: Por, është ajo që i bëtë pyetje ju shokut Zef që këto ndryshimet e situatat me thënë të drejtën, është ndjerë. Të paktën unë tek shokët e mi e kam ndjerë dhe një farë hutimi, edhe një farë tërheqje edhe një farë frike. Unë e kisha të vështirë për të caktuar kuadrot në Kavajë, se u ndrruam, deri atje që nuk guxonte kuadri të marrë iniciativën vetë të shkojë në Kavajë. Deri këtu. Tani është krijuar një situatë më ndryshe, pa ne e kemi patur problem... Edhe këtë tërheqje ne e kemi ndjerë edhe tek këto probleme që në dukje janë të thjeshta.

Ajo, që tani nuk merremi më me agjitacionin e propagandën, në kuptimin e nenit 55 siç ishte më parë me tendencën e arratisjes. Kjo ka krijuar atë që ne jemi në këtë boshllëk. Pati një rënie të menjëherëshme. Veçimi i materialeve që u bë me urdhër pati një rënie të menjëherëshme. Kjo krijoi edhe atë që ...

R. Alia: Çfarë udhëzimesh ju dha drejtoria e I-rë këtu, e Ministrisë?
Adriatik Muha: Porosia ishte që...
R. Alia: Ju ka dhënë me të shkruar, apo me gojë.
Adriatik Muha: Me të shkruar, ka filluar të veçohen materiale. U bë edhe seminar.    
R. Alia: Me të shkruar është dhënë? Çfarë thotë ajo shkresë?
 Adriatik Muha: Tani, tekstualisht unë s’e kam.
R. Alia: Ja, për idenë, idenë.
Adriatik Muha: Të veçohen të gjitha materialet për agjitacion e propagandë dhe tendencë arratisje dhe të pritet urdhëri i dytë se si do të veprohet me to.
R. Alia: Por, ka ardhur urdhëri i dytë?
Adriatik Muha: Jo, s’ka ardhur. Veçimi presupozon që të fshihen të gjitha materialet operative që kish puntori operativ dhe ne kemi mbajtur vetëm materiale që bëjnë fjalë për spiunazh. Këto kemi mbajtur, dhe ato dosje që kanë...
R. Alia: Po mirë, drejtori është këtu?
(Hekuran Isai ?): Tashti...
R. Alia: A e di ti pse është dhënë ky udhëzim, si është dhënë.
(Hekuran Isai ?): ........
...........: Janë mbajtur edhe dosje të tjera, sepse kështu është tamam. Janë mbajtur dosje qëjanë quajtur agjitacion e propagandë, këto.
(E pa qartë)

...........: Në rast të interpretimit që bën ligji për agjitacion e propagandë, ato dosje që ishin në përputhje me ligjin e ri të .............. u mbajtën, ato dosje që sipas ligjit të ri futeshin në kategori ........... do të trajtoheshin ........... Ato dosje që nuk futeshin në asnjërën nga këto, por nuk përbënin agjitacion e propagandë, sipas ligjit të ri do të veçoheshin ...........

R. Alia: Kështu është vepruar?
...........: Në të gjitha dosjet që kishim ..........
(Hekuran Isai ?): I kemi veçuar dosjet.
...........: Është biseduar edhe me sekretarët e I-rë.
Hekuran Isaj: Mirë, dakord.
R. Alia: Mirë, mirë. Tani, si e keni, si e shikoni juve këtë lidhjen midis veprimtarisë të armiqve të jashtëm dhe armiqve të brendshëm, se i përmendët. Na tha ai shoku i Durrsit që ka shumë preokupacion për këtë punë. D.m.th., çfarë detyrash i ka vënë vetes p.sh. dega e dytë këtu edhe zbulimi nga ana e tij. Çfarë bashkëpunimi ka, çfarë! Apo dega e dytë vazhdon atë detyrën e interpretimeve vetëm! Ë?
Zë: .....
R. Alia: Po.
...........: ........... kemi organizuar kohët e fundit, që çdo i huaj që vjen për herë të parë në vendin tonë si nënpunës apo diplomat, të na japi të dhëna, karakteristika që në bazë të këtyre ne të mund të organizojmë kontrollin e tyre. Megjithatë ky koordinim gjatë vitit të kaluar në krahasim me vitet e tjera ka patur një rritje, por përsëri nuk kemi arritur, është e treta herë që kemi një koordinim efektiv që të dy palët t’i përgjigjemi sa më shpejt kontrollit të këtij diplomati, të veprimtarisë që zhvillojnë diplomatët në vendin tonë. Një vështirësi kemi pasur, sepse shumë diplomatë, sidomos perëndimorët kanë një lëvizje të shpeshtë, brenda dhe gjashtëmujore, dhe nuk kemi mundur të njohim akoma figurën e tyre, pa të kontrollojmë, sepse kur kanë ardhur kemi pasur edhe materiale si është, si karakterizohet, veset e tij dhe të tërë që mund të ngrinin edhe më mirë punën. Por ne, mendoj, që difekti nga këto analiza që kemi bërë...
R. Alia: Ju niseni nga diplomati tek qytetari, apo niseni nga objekti tek diplomati. Si e keni ndërtuar punën?
...........: Ne nisemi nga diplomati tek qytetari.
R. Alia: Ëhë.
     ...........: Sepse kur kemi lidhje të vjetra midis qytetarit dhe diplomatit, jemi nga qytetari jonë tek diplomati. Kur lidhet ...
R. Alia: Po, po, kur zbulohen ato qartë.
...........: Një difekt që nxorrën dhe si kolektiv atje ishte se ne ndajmë diplomatin nga të huajt e tjerë që vijnë në rrugë legale. P.sh. edhe koha e ka treguar, dhe nga materialet e kohëve të fundit që diplomatët shfrytëzojnë për të gjitha veprimtaritë e tyre që vijnë ... të shteteve të tyre, turistët, vizitorët dhe këtu kemi difektin e koordinimit midis degës së dytë dhe drejtorisë Tiranës e në rrethe, sepse i ndajnë secilën, ose degën e parë, me degën e dytë. Atë koordinim që mendoj Partia e ka kërkuar vazhdimisht ne nuk e kemi arritur në atë shkallë, dhe e ndjejmë përgjegjësinë për këtë, që i ndajmë, dega e dytë janë për diplomatët dhe do të merret vetëm me këtë, dega e parë ka të huaj. Të huaj bëhen bllok, dhe ne duhet të bëheshim bllok. Këtu kemi patur një difekt.
Një difekt tjetër, është se, dhe ne na u prenë një çikë krahët, me thënë të drejtën Shoku Ramiz ... për një vit e gjysëm. Ne duhet të depërtojmë në ambasadat e huaja, sepse një pjesë i kemi pa mjete. Ky depërtim na u ndërpre, në të gjitha, në mënyrë kategorike. Dërgonin bashkëpunëtorët tanë ato, nuk dinim, nganjëherë na i ndërprenin edhe pa  mjete teknike. Këtë e kemi ngritur. Tani aktualisht .... Në një rast që bëmë ne, që patëm ... morëm shumë të dhëna dhe ...
R. Alia: Çfarë morët të dhëna.
...........: Të dhëna që ...
R. Alia: ..... që është me rëndësi të madhe, thuaje këtu se sekret s’është.
...........: Jo, nuk ka ndonjë gjë. Morëm të dhëna ne që minoriteti nuk duhet të lëvizi nga toka juaj, ju duhet ta bëni luftën këtu.
R. Alia: Këtë e thotë Radjo Athina!
...........: Ta bëni luftën këtu.
R. Alia: Jo, jo, e thotë Radjo Athina këtë.
...........: ........... ku janë filani, filani. Si jetojnë filani, filani. Ato i kanë patur kontigjentet e tyre ................ do të vijnë këtu. Edhe kërkesa që bëjnë për të ardhur, të bëhet për të ardhur, të bëhet për të ardhur, do ta justifikojë duke bërë fletëkërkesë për të vajtur këtu. D.m.th. mund të jenë lidhjet e tyre, edhe të vjetra që kanë qënë që i kërkojnë në ambasadë me pretekset e tyre për t’i vjelur për informacionet e tyre.
R. Alia: Mirë e ke ti, po vetëm një gjë do të të pyesja ty, unë. Në gjithë kontaktet që ke patur ti, d.m.th.kur them ti është dega jote, me të gjitha interceptimet që keni bërë juve; Zefi tha që organizatorë të kësaj pune këtu janë ambasadat e huaja. Ju doli juve kjo? Përpara, jo tani, d.m.th. që ju të thoni shiko se ambasadat po bëhen gati, këtë, këtë e këtë.
...........: Përveç gjermano-perëndimorëve.
R. Alia: Jo, jo, a ju doli juve dhe e njoftuat Ministrinë, shiko, se po pregatitet kjo, kjo, kjo.
...........: Për gjermano-perëndimorët na doli që këshilltari kërkonte të hapte dyert dhe të merrte të gjithë, edhe ato që kishin hyrë në ambasada të tjera, t’i merrte në ambasadën gjermano-perëndimore sepse kanë vënë kushte në të gjithë ambjentet e nevojshme për të marrë sa më shumë.
R. Alia: Kur? Mbasi kishin hyrë?
...........: Kishin hyrë shumë pak.
R. Alia: Po, e dijmë, e dijmë atë. Atë e bëri zyrtarisht ai, shkoi edhe në Ministrinë e Jashtme. Vajti edhe në Ministri të Jashtme ai.
...........: Më pas ka vajtur në Ministri të Jashtme.
R. Alia: Epo, mirë, ja, paradite e ke parë ti. Mbasdite vajti ai. Por kjo s’ishte gjë. E kam këtu, gjetiu unë fjalën. E kam hallin te kjo, që p.sh. ti nëpërmjet rrugëve të tua, përpara të zbuloje që po pregatitet në Tiranë kjo, e kjo, e kjo.
...........: Këtë nuk e kisha unë.
R. Alia: Këtë të them unë, a ke të tillë të dhënë e të tillë konkluzion nga ana e këtyre njerëzve që ke ti.
...........: Jo, nuk e kisha këtë të dhënë.
R. Alia: Këtu e kam fjalën, për këtë.
...........: Ne këtu kemi nxjerrë edhe konkluzionet tona dhe...
R. Alia: Jo, d.m.th. nga kjo duhet të nxirrni konkluzione që vërtet puna juaj a është orientuar në thelb të çështjeve, apo jeni një çikë në sipërfaqe.
...........: Është e drejtë ajo, se ka të bëjë që ne të marrim opshe.
R. Alia: Po nuk i dihet.
...........: Ne themi që diferencimi që duhet të bëjmë, ndoshta, jo ndoshta por vetë praktika tregon që nuk e kemi bërë që ku duhet të diferencojmë e ku duhet të drejtojmë shigjetat tona.
R. Alia: Se, p.sh., çfarë roli ka luajtur ambasada jugosllave në këtë mes? Se asnjë s’po e thotë këtë. Gjermanët the ti, francezët më ka thënë një tjetër.
...........: Ç’është e drejta shoku Ramiz, ne kemi më të dokumentuar rolin e Ambasadës franceze, sepse edhe kontrollin ndoshta e kemi pasur më mirë, dhe roli i saj ka qënë që ka hyrë tek rinia edhe në Universitet me anë të pedagogëve, duke shfrytëzuar edhe pedagogët e gjuhës frënge, dhe vetë fakti që pedagogu megjithse ishte me pushime gjatë ngjarjeve me të marrë njoftimin u kthye dhe u mor vetëm me këtë persona që ishin brënda në ambasadë dhe u largua bashkë me ta, se kishte edhe ish studenta të tij, tregoi që ata kishin një koordinim.
R. Alia: Ai pedagog është prapë?
...........: Është.
R. Alia: Mos i jepni vizën. Do të njoftoni Ministrinë e Jashtme, s’pranohet ajo, e kuptove? Duhet ta dokumentoni. Por gjeni një arsye tjetër. Universiteti nuk ka nevojë për të. Të kthehet mbrapsh. Se ai ka shkruar edhe në shtyp më duket. Merreni shtypin, edhe atë librin dhe i thoni ambasadës franceze, ky njeri nuk pranohet në Shqipëri.
...........: Në këtë kuptim thashë, shoku Ramiz, që ne nuk e kemi pasur koordinimin, dhe i ndajmë: p.sh. pedagogun e ndiqte drejtoria e Tiranës, diplomatin që merret me kulturën e ndjek dega e dytë.

Zef Loka: Të ngremë rrjetin sekret në shkolla e Universitete
N.q.s. ne do ta kishim arritur atë koordinim që bashkarisht, me detyra konkrete të dy degët, do ta kishim ndjekur të dy bashkë, do të kishim arritur në një rezultat më parë, për vërtetimin e atyre detyrave që na dalin tani e më pas. Mendoj që difekti kryesor në degën e dytë është koordinimi midis degëve dhe ... të metodës së punës që na u bë edhe kritikë dhe ne parashikojmë dhe në organizimin e degës së dytë si mund të riorganizohet sepse edhe siç e kemi tani ne nuk mund t’i përgjigjemi, të themi realisht, nuk i përgjigjemi dot plotësisht kësaj veprimtarie të këtyre ambasadave. Është e drejtë se ne kemi ... edhe nga ajo grupit të vëzhgimit, sektorit të vëzhgimit me metoda të vjetra. Dhe kjo, me aktiv që bëmë vetë me shokët e vëzhgimit ngritën shumë probleme dhe që këtyre metodave u ka kaluar koha. Duhet të shikohen metoda të reja, dhe më tepër të futet teknika bashkohore. Megjithse mundësitë Partia na i ka dhënë, për t’i vënë në shfrytëzim, ato që kemi në dispozicion, sepse, me thënë të drejtën, ajo që është rruga më e vështirë është edhe një farë hezitimi për ta përdorur, sepse është edhe ajo frikë që thoni juve që kemi frikë se mos dështojmë dhe krijohen probleme pastaj për veten tonë dhe për Partinë. Por masat mund të merren të plota që të mos krijohen as dështime dhe mos t’i krijohen shqetësime Partisë. Mundësitë janë.
R. Alia: Ëhë, po, mirë. Ulu ti.
Më kanë thënë disa herë, që na pengon fakti që s’kemi në Ministri sektorë për punën me rininë. D.m.th., ja Zefi, mbase e di, që s’na lejohet të kemi bashkëpuntorë, dhe ku di unë...
Zë: Të organizohet puna.
R. Alia: Ë? Të organizohet puna me rininë studenteske e kështu, dhe kjo po na pengon. Si është kjo çështje?
...........: Të them unë?
R. Alia: Po, po, thuaj, thuaj. Po vetëm konkrete veç. Ja, pyetja është shumë konkrete.
...........: Objektivat që na u dhanë nga Partia.
R. Alia: Ja, prapë fillove nga lart. Direkt pyetjen një herë.
Zef Loka: Kemi nevojë shoku Ramiz.
R. Alia: Po folë, si, hë, çfarë.
Zef Loka: Është e nevojshme, që në rininë studentore, në Universitet, në fakultete, por edhe në ndonjë shkollë të mesme ku ka shqetësime të ngrejmë rrjetin sekret informativ.
R. Alia: Pse?
Zef Loka: Me qëllim që t’i mbrojmë nga penetrimi i veprimtarisë armiqësore.
R. Alia: Jo, s’është ky qëllimi. Nuk ka këtë qëllim sigurimi i shtetit. Sigurimi i shtetit ka për qëllim të zbulojë veprimtarinë armiqësore. Ky është qëllimi.
Zef Loka: Po të zbulojmë, po me këtë kusht domethënë.
R. Alia: Hiç fare, mos i vër kushte fare. Ka një qëllim, s’ka dy qëllime. Qëllimi i organeve të Sigurimit të Shtetit është të zbulojë veprimtarinë armiqësore të njerëzve që rrezikojnë Republikën Popullore Socialiste të Shqipërisë, pikë. Kjo është, n.q.s. do të përcaktojë atë, rolin e Sigurimit.
Zef Loka: Dakord.
R. Alia: Po ky është, s’ka tjetër. Duke zbuluar veprimtarinë armiqësore mbron Rep. Pop. Soc. të Shqipërisë, dhe kur themi Republikën, domethënë edhe njerëzit e saj, ë?
Zef Loka: Desha ta zgjeroj këtë unë, se kjo është.
R. Alia: Jo, e zgjeron, por s’e kemi të zgjeruar mirë.
Zef Loka: Dakord.
R. Alia: Se, d.m.th. ju, doni ta vini nën kontroll?
Zef Loka: Jo.
R. Alia: Jo. Mbase unë i them një çikë gjërat kështu copë.
Zef Loka: Jo.
R. Alia: S’po i them fare copë po deshe ti, po d.m.th. ju keni hall me i vënë nën kontroll, apo keni hall se ju kanë dalë probleme.
Zef Loka: Kanë dalë probleme, shoku Ramiz.
R. Alia: Kanë dalë probleme, si kanë dalë probleme?
Zef Loka: Kanë dalë probleme të ndryshme.
R. Alia: Si kanë dalë, çfarë kanë dalë?
Zef Loka: Në Institutin e Arteve kanë dalë probleme.
R. Alia: Po, pastaj? E çfarë ka dalë problem atje?
Zef Loka: Kanë dalë probleme të...
R. Alia: Që s’është në rregull drejtoria e Institutit të Arteve?!
Zef Loka: Jo, por komente të ndryshme ka patur.
R. Alia: Komente të ndryshme, varet çfarë lloj komentesh ka patur se.
Zef Loka: Duke u nisur pastaj që edhe nga synimet.
R. Alia: Po mirë, pse ka patur komente kjo do të thotë që të krijojmë një seksion për rininë studenteske?! Po pse, në Komitet Ekzekutiv nuk ka gjëra të tilla? Pse, në Ministrinë e Bujqësisë nuk ka gjëra të tilla? Pse, në Ministrinë e Industrisë nuk ka gjëra të tilla? Ë? Si mendoni ju? Pse këtu në Ministrinë e Brëndshme s’ka gjëra të tilla?

Zef Loka: Po, mund të ketë!

R. Alia: Jo, jo, mund të jetë, thashetheme mo? Kemi mo këtu! Këtu, o, këtu!
Zëra, reagime: .............

R. Alia: Si o s’kemi! Në drejtorinë e brëndshme të Tiranës, nuk ka? Po pse, e ç’të bëjmë tani ne? Të krijojmë një degë, që të kontrollojë degën e brëndëshme. Vete kjo, ë?

Jo, jo, e kam si ide, pa nuk e kam hallin unë a duhet, a s’duhet. D.m.th. ndërtimi i punës së sigurimit, a duhet bërë sipas parimit të mbulohen, se këtu është ideja, apo duhet të ndjekim armikun. Këtë dua të di unë.

Zef Loka: Të ndjekim armikun.

R. Alia: Epo, të ndjekim armikun, atëhere ç’do me thënë ta mbulojë? Se po të jetë ta mbulojë, unë do të pyesja. Nuk i përmenda se s’dij asgjë, ë, të merremi vesh, kur thashë, ato Ministritë, por i përmenda, se n.q.s. nisemi me parimin t’i mbulojmë atëhere duhet të kemi të gjithë organizmat t’i mbulojmë. Edhe nuk do ta përjashtojë as Ministrinë Brendëshme, bile është organ kaq delikat sa që ka nevojë të mbulohet. Edhe Ministria e mbrojtjes, është kaq delikat sa që ka nevojë të mbulohet. Edhe K.Q. i Partisë se është aq delikat, sa ka nevojë të mbulohet. Ë? Po të nisemi sipas këtij parimi. Mirpo, s’mund të nisemi kështu. Mund të nisem, ka ndonjë element që më ka dalë, më del nëpër kanale të ndryshme që është në Ministrine Brëndëshme. N.q.s. kam këtë rreth tij, krijoj kontrollin e nevojshëm. Më del që ky njeri është në Ministrinë e Mbrojtjes, ta zëmë, rreth tij, mund të dalë që është në K.Q. të Partisë, në aparat, rreth tij krijoj atë. Ç’më duhet mua?
...........: Nuk na pengojnë normat.

R. Alia: Jo, jo, e kam këtu fjalën, nuk e kam tek norma. E kam çështje konceptimi. D.m.th. a është konceptimi t’i mbulojmë apo është konceptimi të zbulojmë dhe të ndjekim armikun, se janë dy gjëra. Se po u nise me mbulimin, për mendimin tim është e gabuar. Po u nisëm me parimin e mbulimit, neve vemi tek Koçi Xoxe. Që duhet të vëmë nën kontroll tërë Partinë, të gjithë shtetin, gjithë popullin, kjo është rrugë e gabuar dhe jo vetëm, por është inproduktive, nuk jep rezultate. Ajo krijon dosje, se “koha do punë”, ë?

Zë: Ashtu është.

R. Alia: Edhe, Hekurani tha kështu, ky tha kështu, ky tha kështu, ky tha ashtu, ky tha ashtu, shkruaje dhe krijojeni, po se i kërkon ai.
Zë: ..... s’ke bërë gjë.

R. Alia: S’ke bërë gjë, d.m.th. i ve nën kontroll të gjithë. Por, s’është kjo rruga jonë dhe nuk duhet të jetë kjo rruga jonë. E kupton Zef?

Zef Muka: E kuptoj.

R. Alia: Pra! Kurse tjetër është çështja, n.q.s. armiku më çon, kudo që të më çojë, atje shkoj unë. E kupton? Dhe nuk na pengojnë, do të zbatoj gjithë ligjet, rregullat e tëra, por asgjë s’më pengon, që n.q.s. mua armiku më çon edhe në organizimin më delikat, edhe atje vete, me autorizimet përkatëse, se kam të dhënë që më çon edhe në majën e piramidës, edhe atje vete. E kupton? Por vete se më çon veprimtaria e armikut, jo ta mbulojë që të mos zbulojë, ë? Se ashtu, ta mbulojë për të zbuluar vemi tek ajo e vjetra. Prandaj më shqetëson ky problem, se e kam dëgjuar disa herë këtë çështje, e kam dëgjuar disa herë.
Zë: Për ta mbrojtur!

R. Alia: Kurse ajo që thua ti për ta mbrojtur, ka rrugë për ta mbrojtur, për të mbrojtur rininë, ë. P.sh. si ka rrugë për ta mbrojtur. Ja thashë pak edhe dje sh. Hekuran apo Xhelilit, s’më kujtohet kujt i thashë, n.q.s. keni të dhëna që një i huaj shkoka tek Instituti i Arteve, e kështu e kështu, po pse s’merrni mundimin, një njeri me mend jo një njeri pa mend, se ka edhe pa mend. Kështu është, ka ca me mend, ka ca edhe pa mend. Por një njeri me mend, të vejë dhe të mbledhi 7-8 studentë.
...........: Ai është ..............

R. Alia: 7-8 studentë, dhe t’i thotë: ore djema juve ju vjen filani këtu, ju vjen këtu? Po. Që ta dini, ky është kështu, kështu, kështu, është i tillë njeri. Ju jeni njerëz shumë të mirë, kini kujdes, në kontaktet që do të bëni, kini kujdes se çfarë njeriu është. Dhe përplasjani, mos ja mbani!
Kjo është ta mbrosh rininë. Jo, shiko mos qëndroni se ai është njeri i tillë, përkundrazi, ai është njeri i tillë, shkoni me të po deshët, bisedoni, pa përplasjani kokës dhe tregojani vendin që s’ka vend këtu tek neve, të fusi pykë. Kështu mbrohet rinia. Edhe do kesh edhe 6 luftëtarë, ë?

Zef Muka: Dakord.

R. Alia: Dhe jo të krijohet ta mbulojë. Çfarë do mbulojë? Me e mbulu do të thotë të mbajë shënim këto të gjashtë, krijohet dosja dhe fillojnë muhabetet. E kuptove Zef?

Zef Muka: E kuptoj, e kuptoj!
...........: Është problem tjetër se edhe mund të kompromentojë, ne s’kemi interes të kompromentojë.

R. Alia: S’ka, ne s’kemi interes të mbulojmë.
...........: Si për mua, ashtu edhe për shokët këtu është eveniment që takohemi me ju, shoku Ramiz. Kjo na shkakton edhe emocione sigurisht, aq më tepër që jemi edhe të papërgatitur dhe kam merak se mos zgjatem.

R. Alia: S’ka nevojë për t’u pregatitur, kaq mirë i dini punët juve sa edhe në gjumë të jeni....
...........: Tani shoku Ramiz, do mundohem t’u jap përgjigje atyre pyetjeve që shtruat ju, që përbëjnë edhe shqetësimin tuaj.
Unë mendoj, që edhe para se të fillojë diskutimi i legjislacionit, n.q.s. do të ndodhin këto gjëra, d.m.th. pa marrë shkas sigurimi nga ndryshimet që u bënë në legjislacion përsëri ne si organe do kapeshim kështu si u kapëm, si mendoj unë. Pse?! Ne jemi të papërgatitur për këto situata. Kemi qënë tejet të papërgatitur. S’është puna se u ndodhëm sot në këtë situatë. Ne nuk e kemi menduar kështu armikun, që të dalë atje grumbull tashti të qëllojë me gur, të hedhë edhe parulla dhe të vërshojë në ambasadat e huaja. Pse s’e kemi imagjinuar kështu, faj kemi ne por meritë ka edhe Partia që unitetin e ka pasur shumë më të mirë nga ç’e kemi në këto ditë.

Ju, në diskutimin që bëtë tani e zbërthyet për mendimin tim shkakun kryesor pse jemi ne të papërgatitur. Këtu punohet dhe intensiteti në punë është arritur. Ky është një realitet që askush s’e mohon dot.

R. Alia: Ashtu është.
...........: Por, ne punojmë në boshllëk shumë. Dhe për të mos u zgjatur, po qëndroj tek shpjegimi që bëtë ju, lidhur me agjenturën. Ne e ngremë agjenturën mbi dy parime, mbi dy principe: në bazë të drejtimit, që është ajo që shpjeguat ju që të vemë tek armiku dhe të ngremë agjenturën për armikun dhe në bazë të parimit ose të principit të objektit që është ajo që ju e hodhët poshtë këtu e që e ka kritikuar vazhdimisht Partia. Mirpo, politikisht, edhe sot ne, pjesën dërmuese të agjenturës, edhe të policisë, edhe të sigurimit e ngremë mbi bazën e këtij parimi, të principit të objektit, d.m.th. e quajmë objekt të rëndësisë së veçantë, fjala vjen, një ndërmarrje apo një institucion, atje ngremë një rrjet të caktuar bashkëpuntorësh me mendimin që një ditë këtu mundet të tentojë të penetrojë armiku. Kjo ka krijuar një burokraci shumë të madhe që ja lidh duart edhe këmbët sigurimit të shtetit, për mendimin tim deri diku edhe policisë.

Jo vetëm që mbulon shumë puntorë operativë të angazhuar me një punë inproduktive, por edhe mbahet edhe një rrjet agjenturor krejt inaktiv, ose që marrin prej tij, vjelin të dhëna që nuk kanë vlerë. Po t’i shikosh nganjëherë të vjen edhe rëndë, të vjen turp për kolegun apo vetë ti ke marrë një të dhënë të tillë, për hatër të asaj që, plotësoi shoku Hekuran, që ta kërkon edhe shefi. Tani, si duhet zgjidhur. Për mua, janë bërë edhe diskutime të tjerë këtu, duhet reduktuar tërësisht ky princip dhe ne duhet të gjurmojmë armikun, duhet të gjurmojmë keqbërësin.

Kështu nuk do të ketë jo vetëm burokraci, një mori dosjesh e gjithë ato kartoteka, por do të ketë edhe një efektivitet shumë të lartë dhe puntori operativ do të kualifikohet. Në të njëjtën kohë ne do të ndodhemi zbuluar dhe jo para partisë. Në ç’kuptim: Nuk marrim më dot poza se po punojmë, se u lodhëm edhe pse mund të derdhim djersë, siç e thamë pak më parë, por do të vemi të kërkojmë armikun, tamam ku e kemi armikun dhe kur nuk kemi armikun Partia do të na vejë para përgjegjësisë. Se kështu, bëjmë analiza ne siç e dëgjuat ju, kështu i kemi analizat në tërësi. Bëjmë analizë, .... n.q.s. puntori operativ i sigurimit apo i policisë ka tërhequr një bashkëpuntor më shumë, se një vit më parë ose ka çelur një përpunim më shumë, puna e tij vlerësohet pozitive. N.q.s. ka një më pak, puna e tij kritikohet. Me këto mendësi nuk shkohet më, sepse edhe koha ka ndryshuar. Ne duhet ta kërkojmë armikun atje ku është, sepse po e shkëputëm, u shkarkuam nga këto, i hoqëm këto degëza që kemi, organet e sigurimit unë mendoj që do të bëhen shumë efektive, ashtu si edhe të policisë.

  • Sondazhi i ditës:

    Shqipëria skualifikohet nga Euro 2024, a ju pëlqeu loja e Kombëtares



×

Lajmi i fundit

Laboratori me kokainë në Frakull, GJKKO jep vendimin për 10 të pandehurit

Laboratori me kokainë në Frakull, GJKKO jep vendimin për 10 të pandehurit