Njëri prej banorëve të rinj, Tani ka ndarë një moment shumë të dhimbshëm brenda shtëpisë së Big Brother Vip. Në një bisedë me Oltën, Armaldon dhe Dean, Tani tregoi se para dhjetë vitesh ka pësuar një aksident, i cili rezultoi me fund tragjik për familjarët e tij. Ai tha se 10 vite më parë mbeti jetim, pasi prindërit e tij ndërruan jetë në një aksident rrugor. Ai shtoi se e ka të vështirë të shkoj në varreza pasi nuk ndihet mirë, kjo sepse prindërit e tij kanë qenë pasagjerë, ndërsa ai shofer në momentin që ndodhi aksidenti tragjik.
Tani shtoi se vetëm ai mundi t’i mbijetonte aksidentit fatal, ndërsa e kujtoi ngjarjen e vitit 2013, si ngjarjen më tragjike të jetës së tij. Aktori u shpreh se ai ishte me shpejtësi tej normave të lejuara, në momentin që një mjet i tonazhit të rëndë, i doli papritmas në korsi dhe më pas u përplasën.