Receta

Tavë brokoli me fileto pule dhe pana nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 7 Janar, 11:30 | Përditesimi: 7 Janar, 11:32

Tavë brokoli me fileto pule dhe pana

Përbërësit:

500 gr brokoli
400 gr mish pule
200 ml pana gatimi
150 gr djathë pice
1 qepë e vogël
2-3 thelpinj hudhër
2-3 lugë gjelle vaj ulliri
1 majë luge arrë moskat
Kripë dhe piper

Përgatitja:

LEXO EDHE:
Tavë me makarona elb me qofte dhe salcë të kuqe nga zonja Albana

Presim brokolin në degëza të vogla dhe e ziejmë në ujë me kripë për 3-4 minuta. Më pas e kullojmë dhe e lëmë mënjanë. Në një tigan të madh, ngrohim vajin e ullirit dhe kaurdisim qepën dhe hudhrën derisa të zbuten. Shtojmë copat e pulës, kripën, piperin dhe arrën moskat dhe i skuqim derisa të marrin një ngjyrë të artë. Në një tavë furre, shtrojmë brokolin në bazë dhe vendosim mbi të mishin e pulës. Shtojmë panën duke e shpërndarë në mënyrë të barabartë dhe më pas e spërkatim me djathin e grirë duke u siguruar që të mbulohen të gjithë përbërësit. E vendosim tavën në furrë të parangrohur në 180°C për 20-25 minuta, derisa djathi të shkrijë dhe të marrë një ngjyrë të artë në sipërfaqe.

MC/Shqiptarja.com

TAG:

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com