POP 5

Lajmet më të lexuara të 5 minutave të fundit

Politikë

Të dielën mblidhet Këshilli dhe Kryesia, grupimi 'Për PD': S’jemi vartës të Bashës, po kufizon debatin në parti

Grupimi për PD-së ka hedhur akuza në drejtim të kryedemokratiti Lulzim Basha, sipas të cilëve po keqpërdor institucionet drejtuese të kësaj force politike.

TIRANË- Grupimi për PD-së ka hedhur akuza në drejtim të kryedemokratiti Lulzim Basha, sipas të cilëve po keqpërdor institucionet drejtuese duke diktuar dhe kufizuar debatin e brendshëm në parti. Reagimi erdhi pas Basha njoftoi mbledhjen e Kryesisë dhe Këshillit Kombëtar ditën e diel, të cilët thonë se ka vendosur vetë për gjithçka, për rendin e ditës, temat dhe çështjet e diskutimit pa u konsultuar me askënd. Në përgjigje të këtij vendimi, grupimi për PD thekson në deklaratën e tij se Anëtarët e Kryesisë dhe Këshillit Kombëtar nuk janë vartës të Bashës.

"Institucionet kryesore vendim marrëse të Partisë Demokratike nuk janë e nuk mund të përdoren si vegla të Kryetarit të Partisë për të diktuar e kufijëzuar ky i fundit drejtimin e debatit te brendshëm. Rendi i ditës, temat dhe çështjet për diskutim në organet më të larta nuk mund të vendosen njëanshmërisht nga një individ i vetëm e aq më pak t'u komunikohen këto vendime anëtarëve të nderuar të Kryesisë dhe Këshillit Kombëtar nëpërmjet sekretareve personal të Kryetarit. Anëtarët e Kryesisë dhe Këshillit Kombëtar nuk janë vartës të kryetarit, por të zgjedhur nga anëtarësia e partisë si përfaqësues të vullnetit të demokrateve dhe jo Kryetarit", thuhet në deklaratë.

Kreu i PD, Lulzim Basha do të mbledhë këtë të diel Kryesinë dhe Këshillin Kombëtar të partisë, takim që vjen pas kontestimit të rezultatit të zgjedhjeve në 9 qarqe.  Mbledhja me anëtarët e Kryesisë do të zhvillohet në orën  17:00, në selinë blu, ndërsa dy orë më pas kryedemokrati Basha do të takojë edhe anëtarët e Këshillit Kombëtar.

Në takimin e së dielës pritet të ketë debate pasi do të jetë edhe përballja e parë e Bashës me kritikët e tij, ish-Presidentin Bujat Nishanin dhe anëtarin e Kryesisë, Fatbardh Kadillin. Kujtojmë se që pas humbjes së zgjedhjeve nga ana e Partisë Demokratike, drejtues të rëndësishëm të strukturave të kësaj force politike, kanë kërkuar me ngulm largimin e Bashës nga drejtimi i partisë. I pari që e kërkoi dorëheqjen e Bashës  ishte Kadilli, më pas ish presidenti Bujar Nishani dhe Arben Ristani. Më pas kërkesa për largimin e Bashës u pasua nga një numër shumë i madh demokratësh të tjerë.  

 

B.K./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • KASAP Rexhep Bule Leka [ kepi ]: 13/05/2021 18:52

    O ju kundërshtarët e lyl shal ngjitmit ju jeni më plera se lyli se lyli nuk është problemi te partia wc pd po është probldm kryekrimineli salmut bershurra. Po ju atë se zini në goj se jeni dhe ju më qenef se salmuti prandaj rini urt e mos hani mut me gavet .

    Përgjigju
  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça