POP 5

Lajmet më të lexuara të 5 minutave të fundit

Sociale

Drejt Punës

Të diplomuarit në call center/ Studentët: Shumë e vështirë të punësohesh në profesion

Më shumë studentë janë diplomuar në arsimin e lartë gjatë vitit 2019 krahasuar me një vit më parë. Megjithatë shumica e tyre detyrohen të punojnë si kamarierë apo në call center pasi e shohin thuajse të pamundur të ushtrojnë profesionin për të cilin kanë investuar disa vite me radhë.

Të rinjtë vazhdojnë të jenë të interesuar të kenë një diplomë universiteti. Për vitin që lamë pas janë rreth 35 mijë studentë ose 1,6 % më shumë të diplomuar krahasuar me 2018-ën. Të dhënat janë bërë publike nga Instituti i statistikave sipas të cilit 66,4 % e tyre janë femra dhe 33,6 % meshkuj.

Por sapo lënë auditoret e universitetit përballen me vështirësitë për të gjetur punën për të cilën janë diplomuar.

Bledona Aga ka mbaruar studimet për filozofi në fakultetin e shkencave sociale. Aktualisht punon ne një call center. Mundësitë për tu punësuar në profesionin që ka zgjedhur i sheh më shumë jashtë Shqipërisë.

“Momentalisht punoj si operatore në një call center pikërisht për faktin që mundesitë  e punesimit në Tiranë përsa i përket studentëve të cilët janë të sapo diplomuar janë relativisht të pakta, për vet faktin që cfardolloj institucioni privat apo shtetëror dhe cdo lloj organizate të kërkon një apo dy vite eksperience pune. As nëpërmjet praktikave mësimore, as nëpërmjet universiteteve, studentëve nuk i është ofruar një mundësi punësimi apo një mundësi praktike për tu adaptuar me tregun e punës. Mundësitë janë shumë më të shumta jashtë vendit tonë, jashtë Shqipërisë”-u shpreh Bledona Aga

Të zymtë e shohin të ardhmen në vend edhe studentët që ende nuk janë diplomuar.

“Do thoja që është shumë e vështirë, fakti që  cfarë do lloj dege që mund të mbarosh tregu i punes eshte shume i veshtire. Fakti që je në një punë tjetër nderkohë që të shkëput komplet  nga shkolla, deri diku edhe të pengon të merresh me shkollen aq sa duhet, të pakten në degën e arkitekturës që do shumë impenjim, dhe ka shumë punë. Një punë tjetër jashtë profesionit është e vështirë sepse shkëputesh dhe është e vështirë që ti kapësh mësimet”-tha studentja e arkitekturës

Viosana punon si kamariere në një restorant për të përballuar shpenzimet e shkollës.

“Unë jam kamariere në një restorant. Do thoja që puna ku jam më leverdis goxha të paktën sa i përket shpenzimeve që unë kam, shpenzimeve mujore. Fakti që jam edhe vetem ne Tiranë, shpenzimet e shkolles deri diku i mbulon, duke qenë se arkitektura ka shumë shpenzime, por që do thoja qe pengon me shkollën”-u shpreh Viosana

Dega më e preferuar për të përfunduar studimet është “Biznes, administrim dhe ligj” prej 27,8 %. Më pak të interesuar janë studentët shqiptarë për tu diplomuar në bujqësi, pyje, peshkim e veterinari.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46