POP 5

Lajmet më të lexuara të 5 minutave të fundit

Pika e zezë

Trafiku i çmendur në rrugën nga aeroporti, dhe një dyshim.....

Ose rruga ishte e panevojshme, ose rrëmuja e mungesa e menaxhimit ka qëllim të devijojë një pjesë të trafikut drejt rrugës me pagesë në favor të oligarkut që bashkon PS me PD.

Trafiku i çmendur në rrugën nga aeroporti, dhe një dyshim.....

Trafiku në Unazën e Madhe

Rruga që lidh aeroportin “Nënë Tereza” me Tiranën është imazhi i parë për vizitorët. Sot, ajo është një zinxhir makinash të bllokuara, duke të dhënë ndjesinë e të qenit rob i një gjarpri çeliku që lëviz ngadalë. Udhëtimi nga Rinasi në Tiranë është kthyer në një makth logjistik, i cili shpjegohet vetëm me mungesën e organizimit rrugor dhe respektit ndaj drejtuesve të makinave dhe turistëve. Kjo rrugë, e cila përfshin pjesë të autostradës Tiranë-Durrës, duhej të përshkohej brenda 30 minutash, por kërkon 90! Gjysmë ore më shumë se fluturimi Romë-Tiranë, thuajse si të udhëtosh nga Tirana në Vlorë.

Duke ndjekur zinxhirin e dritave të kuqe, nyja problematike shfaqet pas mbikalimit të autostradës, ku trafiku nga Rinasi ndërthuret me atë që vjen nga Durrësi. Mjaftojnë një semafor inteligjent ose dy policë të trajnuar për të menaxhuar trafikun. Por aty nuk ka asgjë, madje as një patrullë të policisë rrugore. As autoriteti rrugor, policia apo Ministria e Infrastrukturës nuk tregojnë asnjë interes për ta gjetur një zgjidhje. Trafiku mbetet pa kontroll, drejtuesit dhe turistët duhet të presin në radhë!

Nuk është hera e parë që krijohen këto radhë, por situata është përkeqësuar pas hapjes së një trau te autostrada e re me pagesë pranë aeroportit. Është çudi që një rrugë e re gjeneron më shumë trafik. Dyshimet janë dy: ose rruga ishte e panevojshme, ose rrëmuja e mungesa e menaxhimit ka qëllim të devijojë një pjesë të trafikut drejt rrugës me pagesë në favor të oligarkut që bashkon PS me PD. Të mendosh keq është mëkat, por dyshimet e tilla shpesh nuk janë të pabazuara.

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 6 Janar, 20:03

    Si iu duket trafiku rrugor në Shqipëri?

Lajme të tjera



×

Lajmi i fundit

Media greke: Dritan Rexhepi, shqiptari që ndërtoi kartelin e kokainës, nga ‘investitori’ grek në ‘Escobarin’ e ri të perandorisë së drogës

Media greke: Dritan Rexhepi, shqiptari që ndërtoi kartelin e kokainës, nga ‘investitori’ grek në ‘Escobarin’ e ri të perandorisë së drogës

7 Janar, 23:01