POP 5

Lajmet më të lexuara të 5 minutave të fundit

Kronikë

Transporti publik në filtër të Task-Forcës, Gonxhe: 10 mijë mjete pa kolaudim, fund abuzimeve (VIDEO)

Aksioni i “Task-Forcës” së transportit rrugor për kontrollin e kolaudimit teknik të makinave do ti jap fund abuzimeve. Kështu është shprehur drejtori i Përgjithshëm i Shërbimit të Transportit Rrugor Blendi Gonxhe, për Report TV. Sipas tij me vendosjen e kamerave trupore inspektorëve të Task Forcës s’do ketë më korrupsion. Ndërkohë pajisja e kolaudimi që do të vendoset në akset rrugore do të identifikojë mjetet që nuk kanë kryer kolaudimin apo e kanë kaluar atë padrejtësisht.

Pak ditë më parë Ministria e Infrastrukturës dhe Energjisë, dhe Drejtoria e Transportit të Shërbimit Rrugor, prezantuan pajisjet e elektronike që do të rrisin sigurinë rrugore.  Në sitën e inspektimeve do të jenë mjetet e shërbimit publik, taksitë, autobusët, si dhe mjetet e tonazhit  të rëndë. Blendi Gonxhe drejtor i DPSHTRR-së sqaron për Report TV se problemet e mbartura ndër vite në vend në transportin rrugor janë edhe arsyet që çuan në përforcimin e masave, duke pajisur  “Task Forcën” me kamera trupore, tableta peshore rrugore dhe pajisje. Gonxhe shpjegon edhe mënyrën se si do të funksionojë ky aksion në transportin rrugor, i cili do të përqendrohet në dy drejtime.

“Pikë së pari që të mos i ngjajmë në asnjë lloj mënyre asaj që dikur ka qenë një histori jo e mirë, një dështim në kontrollin në terren për transportin rrugor, që ka qenë e ashu quajtura policia gri. Çdo përpjekje që ne po bëjmë sot është që kontrolli në terren të jetë objektiv, transparent dhe në kohë reale i monitoruar dhe të jetë i bazuar në sisteme”, tha Gonxhe.

Tashmë në akset rrugore do të vendoset edhe pajisja e lëvizshme e kolaudimit, që sipas Gonxhes është një skaner në automjetet që do të zbulojë në pak minuta nëse mjeti ka probleme teknike, ku kontrollit nuk do t'i shpëtojnë as automjetet e tranportit privat që kanë të bëjnë me automjetet 8+1 apo furgonat që përdoren për transportin e të huajve por jo vetëm. Kontrollet e inspektorëve do të zhvillohen në postbllok dhe rezultatet e para do të jepen në fund të vitit.

“Është një kontroll teknik lëvizës, një kontroll teknik i automjeteve të ndyshme duke filluar nga ato civile të cilat kontrollohen me policinë rrugore. Ndryshe qëndron puna për mjetet e transportit të udhëtareve dhe të mallrave. Këta kontrollohen nga “Task-Forca” e transportit rrugor, ndalohen nga policia rrugore futen në kontroll nga “Task-Forca” e transportit rrugor, ku ekspertët kryejnë me shpejtësi dhe me mënyra të informatizuara matjet, peshën për aks etj. Mund të konstatohet një problem që është shkaktuar nga një arsye konkrete ky mjet udhëzohet të shkojë për servis më pas për kolaudim, ndërsa ne mbajmë çdo shënim dhe e bllokojmë mjetin për çdo e drejtë që ka mjeti në shërbimin publik” deklaroi drejtori Gonxhe.

Nëse automjetet konstatohen me probleme teknike atyre do t'i bllokohet e drejta e qarkullimit dhe do të rikthehen pranë SGS-së për të kryer kolaudimit. Aktualisht nga të dhënat zyrtare të DPSHTRR-së, në vend qarkullojnë mbi 10 mijë mjete të cilat nuk kanë kryer kolaudimin, si dhe mbi 100 mijë të tjera nuk paguajnë taksat.  Drejtori i DPSHTRR-së, ngre edhe një shqetësim tjetër përveç dëmtimit të rrugëve, dhe bëhet fjalë për automjetet e transportit të mallrave të cilat kryejnë evazion fiskal. Vendosja e peshores në rrugë që bën të mundur matjen e peshave aksiale të mjeteve për transport mallrash që të mos kalojnë 15 ton për aks dhe inspektimi deri në detaj nga inspektorët, sipas tij i jep fund informalitetit.

Të gjitha pajisjet janë të financuara nga Bashkimi Europian, dhe që prej datës 2 shtatorë janë materiale në dispozicion të inspektorëve, të cilat bëjnë të mundur jo vetëm modernizmin e kësaj strukture por garantojnë edhe një kontroll më të shpejtë.

/G.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • yyy: 06/09/2019 10:43

    Duhet te japesh doreheqje se je ne konflikt interesi si pronar i autobuzave te tiranes re te blera ne varreza

    Përgjigju
  • Neti: 06/09/2019 09:01

    Ky eshte kokrra e hajdutit, iku atehere me ceremoni pasi u morr vesh qe vidhte fshehurazi dhe gjasme e hoqen per permbytjen e tiranes. Edhe tani pas kaq vitesh mgjs kishte nje biznes privat nga i cili merte goxha te ardhura prape paguante leke ti futej politikes ose te behej cik drejtor se vdes te vjedhi pak nuk rri dot.

    Përgjigju
  • Adi: 05/09/2019 21:52

    Po ti mer legen je pronari Alba transit te famshem dhe bo gerr gerr kot legen

    Përgjigju
  • Liku: 05/09/2019 19:22

    mjetet e sherbimit publik nje here ne gjashte muaj qe behet kolaudimi eshte shume kohe pa kontroll makinat punojne nga ora pese e mengjezit deri ne dhjete te darkes te amortizuara jane keshtu qe kane nevoje per kontroll te vazhdueshem difektet ndodhin

    Përgjigju
  • T. Faslliu: 05/09/2019 17:58

    Po mire me barkderr dhe kokderr, ca keni bere deri tani ?? Jemi i vetmi vend ne bote qe nuk funksionojne biletat elektronike neper autobuze, nga qe doni te beni dallavere me bileta te fallsifikuara

    Përgjigju
  • Titi: 05/09/2019 16:59

    Po cfare duhet task forca, a jane ne nje sistem te rregjistruara te gjitha mjetet qe nuk kane kryer kontrollin teknik, mjafton te reklamohen ne policine rrugore, pse jo dhe ne ate kufitare, ne menyre qe te mos lejohen te qarkullojne as brenda e as jashte territorit shqiptar. Po juve ju mungon vullneti per ta bere, ose nuk keni kohe te mendoni per ta zgjidhur situaten se nuk ju lene sekseret qe vijne verdalle zyrave tuaja. Si mund te artikulohet nga goja juaj qe e kane kaluar ate padrejtesisht, kjo nuk duhet as te mendohet!!! prandaj nuk behemi dot ne se ndertojme struktura te tera te kontrollojne vetem qytetarin per ta "vjele" secila me radhe ai qe ka kaluar padrejtesisht mund te kaloje edhe task forcen tuaj po padrejtesisht, juve monitoroni kompanine qe e kalon padrejtesisht jo qytetarin, sigurisht nese doni vertet ta zgjidhni problemin.

    Përgjigju
    • DPShtetRrumpalle: 06/09/2019 00:32

      Zoteri, kontrollo SGS-ne ose liberalizoje sherbimin dhe kontrollo cilesine e naftes. Apo I zgjatet SGS-se kontraten edhe I premtuat ca te ardhura shtese me rikolaudim. I dime ca gjera se flasin dynjaja. Shiko bej vizimet bashkia se ne porcelan e gjetke i ka lene per ibret. Apo thuaj varja bejme dy tre vizime I nxjerrim ne TV dhe I leme se Nuk na sjellin leke.

    • DPSHTRR: 05/09/2019 17:51

      Ne cdo vend te perparuar te botes ka kontroll te befasishem ekstra kolaudimit periodik dhe eshte format i njohur. Natyrisht do punohet me sisteme e komunikim edhe me polici e kufi e cdo vend tjeter ku mjeti kalon a paraqitet por problemet teknike a difektet ndodhin edhe menjehere apo pak muaj pas kolaudimit e shiferi vijon qarkullimin pa presionin per ta riparuar - kjo do frenohet! Gjithashtu kontrolli do rrise presionin mbi pikat e kolaudimit te cilat si kudo ne bote duhet te kene kontrolle nga shteti me te tilla paisje! Nuk i dini te gjitha, mos beni sikur dini cdo zgjidhje e jepni verdikt

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu