DURRES-Festa e pashkës ka sjellë mijëra mërgimtar në vendlindje.

Në terminalin e trageteve, në portin detar të Durrësit, sot në mëngjes kishte një fluks mjaft të madh krahasuar me ditët e tjera.
 
Atmosfera e pashkëve ndjehet teksa qindra emigrantë shqiptarë duke përfituar nga ditët e pushimit vijnë për të pushuar disa ditë pranë të afërmeve të tyre në Shqipëri e Kosovë.
 
Ndërsa policia portuale ka marrë masa jo vetëm për përpunimin e shpejtë të trageteve por edhe masa sigurie kundër terrorizmit.
 
Të gjithë sportelet sot në mëngjes ishin funksional, ndërkohë që në kalatë u ankoruan 3 tragete të linjës Bari -Durrës.
 
Pashkët janë një rast i mirë për agjencitë e lundrimit për të realizuar të ardhura të mira në këtë periudhë jashtë sezoneve turistike.
 
Jam shoferi i autobusit të linjës së Italisë, vijmë nga Milano, emigrantët vijnë vetëm për pashkët, për festa të mëdha. Ne kemi 45 pasagjerë që vijnë direkt nga Italia për të festuar festën e pashkës”, u shpreh shoferi i autobusit të linjës që vjen nga Milano.
 
“Kemi ardhur vetëm për një javë për të festuar pashkët”, tha një emigrant.

Rritja e numrit të udhëtarëve është vënë re duke nisur nga dita e enjte dhe do të vazhdojë edhe gjatë ditës së nesërme.
 
Redaksia Online
B.B/Shqiptarja.com