Turisti me këmbë të thyer mbetet i bllokuar në Theth/ Banorët me barrela në krah nisen për ta shpëtuar

Një banor i zonës ka folur në një lidhje telefonike për Report Tv mbi turistin që është rrëzuar nga maja e Harapit. Ai ka thënë se është njoftuar nga e fejuara e turistit polak e cila i ka dërguar edhe vendndodhjen. Banori tha se bashkë me disa persona të tjerë kanë marrë edhe barrelat në krah pasi ambulanca nuk përshkon dot këtë rrugë për shkak të terrenit të vështirë.

"Ne jemi duke i dalë në majë të Harapit në krahun e majtë. Ai duhet të ketë humbur rrugën dhe ka thyer këmbën. Ne na ka njoftuar e fejuara e tij. Ai është i vetëm. Ne kemi marrë barrelat tek ambulanca se ajo nuk ngjitej dot. Ka mundësi që do na duhet rreth një orë për të mbërritur tek i lënduari. Ai ka ndjekur një rrugë që e ndjekin edhe turistë të tjerë. E fejuara e tij na ka dhënë koordinatat", u shpreh Xhimi Guri, banor i zonës për Report Tv.

Banorët e zonës në kërkim

 

Lajmi kryesor:

Theth/ Turisti polak rrëzohet nga maja e Harapit dhe thyen këmbën, gjendet pas disa orësh nga banorët

/r.k./Shqiptarja.com

TAG:
• theth
• turisti polak