Theth/ Turisti polak rrëzohet nga maja e Harapit dhe thyen këmbën, gjendet pas disa orësh nga banorët

Turisti ka folur në një videomesazh duke treguar edhe gjendjen e tij pasi është takuar me banorët që kanë shkuar ta shpëtojnë.

"Jam nga Polonia. Këmba ime është thyer. E kam ndjerë që para tre orësh. Ju bëtë mirë që erdhët më shpëtuat. Pavarësisht kësaj më pëlqen Shqipëria. Vendi është i mrekullueshëm, do vij sërish", thotë turisti.

Ndërsa banori i zonës e falenderon që e ka vizituar Shqipërinë dhe e udhëzon që të sigurohet që herën tjetër që të vizitojë këtë zonë të sigurohet që të ketë edhe një gudië me vete.

Njëri prej banorëve i cili është pjesë e grupit që po transportojnë turistin drejt qendrës së Thethit ka thënë për Report Tv se kanë mbërritur të vetëm deri në vendin ku ai ka qenë i bllokuar.

"Forcat e policisë nuk janë me ne por janë në fshat duke na pritur. Kemi folur me policinë dhe ata na presin poshtë. Ne gjithmonë i kemi ardhur në ndihmë gjithmonë turistëve për shkak se e njohim zonën edhe më mirë se policia", tha banori për Report TV.

Gjendet pas disa orësh kërkimesh turisti polak i cili ishte aksidentuar në majën e Harapit në Theth. Banorët po bëjnë transportin e tij drejt qendrës shëndetësore në Theth por terreni është mjaft i vështirë.

Një banor i zonës ka folur në një lidhje telefonike për Report Tv mbi turistin që është rrëzuar nga maja e Harapit. Ai ka thënë se është njoftuar nga e fejuara e turistit polak e cila i ka dërguar edhe vendndodhjen. Banori tha se bashkë me disa persona të tjerë kanë marrë edhe barrelat në krah pasi ambulanca nuk përshkon dot këtë rrugë për shkak të terrenit të vështirë.

"Ne jemi duke i dalë në majë të Harapit në krahun e majtë. Ai duhet të ketë humbur rrugën dhe ka thyer këmbën. Ne na ka njoftuar e fejuara e tij. Ai është i vetëm. Ne kemi marrë barrelat tek ambulanca se ajo nuk ngjitej dot. Ka mundësi që do na duhet rreth një orë për të mbërritur tek i lënduari. Ai ka ndjekur një rrugë që e ndjekin edhe turistë të tjerë. E fejuara e tij na ka dhënë koordinatat", u shpreh Xhimi Guri, banor i zonës për Report Tv.

Banorët e zonës në kërkim