U kap i dehur në timon, zbardhet dëshmia si e bindi Aleksandër Gjoka gjyqtarin për ta liruar nga qelia

Shqiptraja.com zbardh detaje nga dëshmia e këngëtarit të njohur Aleksandër Gjoka, që u arrestua dy ditë më parë si i dehur në timon, por më pas u lirua nga gjykata, që vendosi që hetimet të vijojnë në detyrim paraqitje. Këngëtari ka deklaruar para gjykatës se ka dy vjet që nuk konsumon alkool, pasi ka marrë trajtim mjekësor.

Për këtë rast Gjoka, deklaroi se ishte një rast i veçuar dhe se masa e alkoolit në trupin e tij ishte shumë e vogël, për të mos thënë në minimumin e mundshëm. Gjoka, ka pohuar se duhet të shkonte në punë, në një koncert dhe i kërkoi gjykatës lirimin nga qelia, kërkesë e cila është pranuar nga trupi gjykues, duke caktuar masën e sigurisë “detyrim për paraqitje”. Sot këngëtari Gjoka ndodhet në Korçë, ku performoi në një koncert përpara publikut vendas, por edhe turistëve të shumtë që zgjedhin qytetin juglindor për të kaluar festat.

Policia, dy ditë më parë pasi e ndaloi artistin vendosi të përcjellë materialet hetimore në prokurorinë e Tiranës për akuzën e “Drejtim të mjetit në gjendje të dehur”. Kjo pasi këngëtari i shumë hiteve në Shqipëri e kishte kaluar me 1 mg/l masën e alkoolit të konsumuar, nga 0.5 mg/l që është kufiri ligjor për drejtuesit e automjeteve. Pra në dokumentet e policisë, doli se këngëtari Aleksandër Gjoka, kishte konsumuar 0.66 mg/l dhe me këtë masë alkooli në trup, policia ja bëri letrat si person i dehur.

TAG:
• aleksander gjoka