U merrnin paratë për bileta e akomodim në hotel, rezervonin vetëm vatjen! Arrestohen 2 punonjës të një agjencie turistike, mashtruan klientët dhe përfituan 15 mijë € (EMRAT)

Dy punonjës të një agjencie turistike janë arrestuar pasi akuzohen se përmes mashtrimit u u kanë marrë klientëve 15 mijë euro. Mësohet se punonjëset e agjencisë u merrnin paratë për vajtje ardhje si dhe akomodimin në hotel por u prenin biletën vetëm për vajtje.

Të arrestuar janë Kleo Kariqi dhe Redi Hambari.

“Këta shtetas dyshohet se kanë mashtruar klientë të agjencisë së udhëtimit ku ishin të punësuar, pasi iu kanë marrë atyre paratë për rezervimin e biletave për vajtje, ardhje dhe për akomodim në hotel, por kanë blerë vetëm biletën për vajtje në destinacion. Këta shtetas dyshohet se kanë përfituar rreth 15 000 euro, duke mashtruar klientët e agjencisë’  informoi sot policia e Tiranës. 

LEXO EDHE:
Vijojnë punimet për ndërtimin e Unazës së Madhe, projekti gati deri në fund të vitit

Kleo Kariqi 22 vjeç, dhe Redi Hambari, 24 vjeç, të dy banues në Tiranë, për veprat penale "Mashtrimi", kryer në bashkëpunim, "Fshehja e të ardhurave" dhe "Mospagimi i taksave dhe tatimeve", parashikuar nga nenet 143/2-25, 180 dhe 181 të K. P.

Operaiconi u kodua “Travel’ dhe u ndërmor nga Sektori për Hetimin e Krimeve Ekonomike dhe Financiare. 

S.G/Shqiptarja.com

TAG:
• mashtrim
• Tirane
• Redi Hambari
• Kleo Kariqi
• agjenci turistike