POP 5

Lajmet më të lexuara të 5 minutave të fundit

Politikë

U pezullua se nuk reagoi për kërkesat e studentëve, PD merr në mbrojtje rektorin Mynyr Koni

Pas pezullimit nga detyra të Rektorit të Universitetit të Tiranës, Mynyr Koni nga ministrja e Arsimit, Rinisë dhe Sporteve, Besa Shahini ka reaguar edhe Partia Demokratike.

U pezullua se nuk reagoi për kërkesat e studentëve, PD merr në mbrojtje rektorin Mynyr Koni

Pas pezullimit nga detyra të Rektorit të Universitetit të Tiranës, Mynyr Koni nga ministrja e Arsimit, Rinisë dhe Sporteve, Besa Shahini ka reaguar edhe Partia Demokratike.

Sipas PD-së, ky veprim është tregues i qartë i cënimit të autonomisë universitare.

Pezullimi i tij ishte njoftuar më herët edhe nga kryeministri Edi Rama, i cili u shpreh gjatë një takimi me studentë dhe pedagogë se Koni nuk ka mbajtur përgjegjësitë që i takojnë në raport me problemet e studentëve.

Ai tha se pas protestës së studentëve cdo gjë ka lëvizur përveç xhaketës së rektorit, që sipas tij ai vijon që të mos ketë asnjë shqetësim edhe pse pjesa më e madhe e kërkesave të studentëve është përgjegjësi e rektoratit, bazuar te autonomia

Reagimi i plotë i PD:

PEZULLIMI I REKTORIT TË UNIVERSITETIT TË TIRANËS CËNON RËNDË AUTONOMINË UNIVERSITARE

Atë që Rama nuk arriti të bënte para 3 vjetësh me Shullazin, ka vendosur ta bëjë tani nëpërmjet Ministres së Arsimit Besa Shahini. Pezullimi dhe kërkesa për shkarkim e Rektorit të Universitetit të Tiranës është antikushtetuese! Ajo bie ndesh me  nenin 57 të Kushtetutës së Republikës së Shqipërisë dhe nenin 3 të ligjit për Arsimin e Lartë, që garantojnë #Autonominë #Universitare.

Edi Rama nuk shqetësohet aspak për ligjet që shkel vetë çdo ditë ai dhe ministrat e tij për të vjedhur qytetarët dhe për të dhunuar të drejtat e tyre.

Edi Rama është hipokrit. Shqetësimi i tij i vërtetë nuk është shkelja e ligjit, sepse ai e ka lënë vendin pa Gjykatë Kushtetuese dhe pa Gjykatë të Lartë funksionale. Edi Rama kërkon të uzurpojë çdo pushtet, si çdo i ngjashëm i tij autoritarist, i korruptuar dhe arrogant. Edi Ramës nuk i intereson aspak mirëfunksionimi i universitetit më të madh në vend, sepse nuk e ka pasur asnjë moment arsimin prioritet.

Qëllimi i vetëm është largimi me të gjitha mjetet dhe format i çdokujt që atij i bëhet pengesë dhe më tej, interesi i tij është të marrë kontrollin edhe të Universitetit më të madh në vend, duke vënë në krye militantë politikë. Urdhri i Ministres Shahini për pezullim të rektorit Mynyr Koni minon autonominë universitare dhe dëmton rëndë këtë institucion kaq të rëndësishëm për jetën akademike në vend.

Autonomia universitare duhet mbrojtur me çdo kusht për të mos e lënë edhe Arsimin e Lartë, edhe jetën akademike në duart e një Kryeministri që kontrollon gjithçka tjetër: Gjykatat, prokurorinë, mediat dhe të ashtuquajturën shoqeri civile. Thirrja ime është për studentët dhe pedagogët që të bëjnë rezistencë kundër të keqes me emrin Edi Rama, qe e ka burimin tek blerja e votës dhe mosdhënia e llogarisë.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Emigrati: 15/04/2019 10:56

    Gjithe burgaxhi e halabaket atje fshihen tek P.D

    Përgjigju
  • dulja: 15/04/2019 05:18

    bravo mire ja bete le te veje me PD se ajo po i blethe te keta plerate

    Përgjigju
  • Arti: 15/04/2019 00:10

    Hahaha ... k*rvat e PD e nxoren fytyren e vertete. Gjasme u hante meraku per studentet.

    Përgjigju
    • robi: 15/04/2019 13:16

      ky eshte rektori qe firmoste ne 13 bordero prandaj mos te merzitet pd-ja se ka dhe 12 bordero te tjera dhe miliona euro ne banke me djersen e bythes dhe doktoratures plagjiature,,,,,

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Ergys Mërtiri: Çna tregoi Altin Dumani?

Ergys Mërtiri: Çna tregoi Altin Dumani?

24 Nëntor, 08:47 nga Ergys Mërtiri