POP 5

Lajmet më të lexuara të 5 minutave të fundit

Politikë

Kryeministri Rama reagon pas fitores së Vangjel Tavos: Spektakolare! Do kthejmë 'Himara 2030' në një prej destinacioneve më të kërkuara të Mesdheut (VIDEO)

Partia Socialiste rimerr Himarën, që e humbi në zgjedhjet e 14 majit 2023, me kandidatin e saj të minoritetit grek, Vangjel Tavo.

Vlore- Partia Socialiste rimerr Himarën, që e humbi në zgjedhjet e 14 majit 2023, me kandidatin e saj të minoritetit grek, Vangjel Tavo.

Këtë herë fitorja është me një diferencë të madhe me 1477 vota plus në krahasim me zgjedhjet vendore të 14 majit, ku kandidati i saj ish kryebashkiaku Jorgo Goro humbi për 19 vota kundrejt Fredi Belerit.  

Kryeministri Edi Rama e quajti fitore spektakolare  rezultatin dhe premton se do të jetë në krah të tij për ta kthyer Himarën 2030 në një prej destinacioneve më të kërkuara të Mesdheut.

“Me urimin për kryebashkiakun e ri të Himarës për fitoren spektakolare, kënaqësinë e mbështetjes domethënëse për Partinë Socialiste në zgjedhjet e djeshme, si edhe vendosmërinë për ta kthyer Himarën 2030 në një prej destinacioneve më të kërkuara të Mesdheut, ku në radhë të parë të gjithë ata që punojnë në industrinë turistike në Greqi, të kthehen për paga më të mira e për ajrin e pazëvendësueshëm të vendlindjes, ju uroj të gjithëve një javë sa më të qetë

Rama shoqëron mesazhin me një video në të cilën ata të dy, Vangjel Tavo dhe Edi Rama në fillim shfaqen si dy skulptura guri që më pas transformohen në Himarë.

Video shoqërohet dhe me vargjet e këngës labe "Bini ju o cula, bini ju longarë'.  Ndërsa në krah të Himarës është dhe një diell, duke simbolizuar se tani lind dielli për Himarën.

Vangjel Tavo fitoi zgjedhjet e pjesshme të Himarës që u mbajtën dje (4 gusht 2024) me një diferencë prej 1477 votash kundrejt kandidatit rival të koalicionit "Bashkë Fitojmë' në opozitë, Petro Gjikuria.

Në zgjedhjet vendore të 14 majit 2023 PS humbi Himarën. Fredi Beleri, i cili kandidoi në emër të koalicionit të opozitës "Bashkë Fitojmë" mori 3840 vota, vetëm 19 vota më shumë se rivali socialist Goro që mori Goro 3821 vota.  Në zgjedhje morën pjesë në votime 7821 qytetarë, ose 34.27% e votuesve. 


Lajmi kryesor:

Vangjel Tavo i PS-së, fiton me mbi 1400 vota plus zgjedhjet në Himarë! Kryetari i ri i bashkisë: Sot fituan himariotët! Gjikuria i mirëpritur për nënkryetar (VIDEO)
S.G/Shqiptarja.com
  • Sondazhi i ditës:

    SPAK merr të pandehur Berishën për korrupsion pasiv, si e vlerësoni?

Lajme të tjera



×

Lajmi i fundit

Arsenali merr lajme të këqija nga Liga e Kombeve, Odegaard pëson lëndim të rëndë dhe largohet nga fusha duke qarë

Arsenali merr lajme të këqija nga Liga e Kombeve, Odegaard pëson lëndim të rëndë dhe largohet nga fusha duke qarë

11 Shtator, 22:55