Me flamurin kuqezi dhe veshje popullore, dy vogëlushe shqiptare po habisin Europën.

Shqiptarja.com ju mundëson këto filmime amatore nga të apasionuarit e motorëve Harley-Davidson ku mes tyre janë dhe dy motrat Iris e Noem Kacia përkatësisht 6 dhe 8 vjeç.
 
Pas një turi disa ditor nëpër Europë ato pritet që me 29 dhe 30 prill të përmbyllin udhëtimin e tyre në qytetin e Sant' Agata Puglia në Itali, duke ngritur në mënyrë simbolike flamurin shqiptar.
 
Në videon e mësipërme Iris e Noem janë gjatë kalimit të turit nëpër Austri mes grupit me 40 motoristë.
 
Që nga shfaqja e interesit dhe pasionit të tyre për motorët dy vogëlushet shqiptare janë pjesë e grupit Albanian Bikers.

Dy motrat nga Dibra krejt natyrshëm ndjekin pasionin e babait të tyre që është motorist, duke u bërë kështu trashëgimtare të denja me të cilat krenohet familja e pse jo dhe Shqipëria.

[gallery]21678[/gallery]

Redaksia Online
Al.N/Shqiptarja.com