Shumë shtete në të gjithë Evropën po rivendosin masa kufizuese për të frenuar përhapjen e infeksioneve me koronavirus, ndërsa variant shumë i transmetueshëm “Omicron” ka rritur frikën. Në Francë dhe Austri ministrat e shëndetësisë vendosën masa kufizuese për udhëtimet.
Parisi anuloi spektaklin e fishekzjarreve për natën e ndërrimit të viteve. Qeveria franceze njoftoi gjithashtu se duke filluar nga e mërkura, do të nisë vaksinimin e fëmijëve të grupmoshës 5 deri në 11 vjeç.
Kryeministri Jean Castex tha të premten se me variantin “Omicron” që përhapet si “rrufe”, qeveria propozoi që të kërkohet dëshmia e vaksinimit për ata që hyjnë në restorante, lokale dhe vende të tjera publike. Një vendim i tillë kërkon miratimin në parlament. Danimarka mbylli teatrot, sallat e koncerteve, parqet dhe muzetë.
Irlanda vendosi që pas orës 8 në mbrëmje, lokalet dhe restorantet të mbyllen. Gjatë një fjalimi drejtuar vendit Kryeministri irlandez Micheál Martin tha se kufizimet e reja ishin të nevojshme për të mbrojtur popullatën nga virusi.
Në Holandë, autoritetet shëndetësore po diskutojnë për të vendosur edhe më shumë masa kufizuese, ndonëse aktualisht po zbatohet një vendim për një bllokim i pjesshëm.
Gjatë kësaj jave Mbretëria e Bashkuar ka regjistruar shifra rekord infeksionesh. Qeveria ka marrë vendim që maskat të mbahen në ambiente të mbyllura. Po ashtu çdo qytetar duhet të tregojë provën e vaksinimit, ose një test negativ të kryer brenda pak orësh përpara se të futen në restorante, lokalet e natës, apo aktivitetete të tjera argëtuese.
Britania dhe vendet e tjera po përshpejtojnë gjithashtu ritmin vaksinimit me doza përforcuese. Qendrat tregtare, katedralet dhe stadiumet në Britani janë shndërruar në qendra të vaksinimit masiv.
Sipas të dhënave të fundit të publikuara nga Organizata Botërore e Shëndetësisë (OBSH), që nga fillimi i pandemisë numri rasteve me koronavirus në botë është rreth 272 milionë, ndërsa ai i vdekjeve mbi 5.3 milionë./VOA/
Lajme të tjera
-
Varianti Omicron qarkullon në ajër, Komisioni Evropian autorizon vaksinën e përditësuar të Pfizer-it
1 Shtator 2023, 11:52 -
Koronavirusi në Kinë, rreth 60 mijë vdekje brenda një muaji
14 Janar 2023, 12:45 -
I përhapur në pjesën më të madhe të rasteve me COVID në SHBA, nënvarianti i Omicron 'zbarkon' në Greqi
12 Janar 2023, 18:29 -
Rritja e numrit të rasteve me variantin më të transmetueshëm të COVID, OBSH rekomandon mbajtjen e maskave në aeroporte
10 Janar 2023, 21:14 -
Ekspertët paralajmërojnë mbi rrezikun e shfaqjes së një varianti të ri të COVID-19
25 Dhjetor 2022, 20:12 -
Nuk ka më dënime me burg për përhapje të sëmundjeve infektive, Kushtetuesja shfuqizon 2 paragrafë të nenit 89 që u shtuan gjatë pandemisë
17 Dhjetor 2022, 21:15 -
Pse janë kaq të rrepta rregullat e Kinës për koronavirus?
30 Nëntor 2022, 13:36 -
I dënuar me 11 muaj burg për kontrolle fiktive në subjekte për masat anti COVID, arrestohet mjeku Ilir Hoxha
3 Nëntor 2022, 13:08 -
Situata Covid-19 në vend/42 raste të reja dhe asnjë humbje jete në 24 orët e fundit
1 Tetor 2022, 16:14 -
EMA paralajmëron për një variant të ri të COVID-19 në dimër
2 Shtator 2022, 19:01 -
Pas COVID, Kina rikthen studentet e huaj
2 Shtator 2022, 17:30
-
Moderna padit Pfizer & BioNTech për kopjim të teknologjisë mbi vaksinën kundër COVID-19
26 Gusht 2022, 16:28
