POP 5

Lajmet më të lexuara të 5 minutave të fundit

Sport

VIDEO/ Ndeshje e denjë për NBA, Besëlidhja e basketbollit mund Tiranën në kryeqytet! Trajneri bardheblu përplaset me arbitrat dhe del jashtë

Java e gjashtë e kampionatit kombëtar të basketbollit për meshkuj në Shqipëri është mbyllur në "Farie Hoti". Në kryeqytet Tirana ka humbur 92-93 nga Besëlidhja.

Java e gjashtë e kampionatit kombëtar të basketbollit për meshkuj në Shqipëri është mbyllur në "Farie Hoti". Në kryeqytet Tirana ka humbur 92-93 nga Besëlidhja. Lezhjanët janë treguar më të saktë në fund, duke përmbysur duelin në pjesën e dytë. Ndeshja ka qenë me emocione të forta, teksa Pallati i Sportit ka qenë thuajse i mbushur. Me këtë fitore, lezhjanët i bashkohen kryesuesve të Teutës, Tiranës dhe Apolonisë.

Perioda e parë në këtë duel foli për bardheblutë, 23-20. Në periodën e dytë miqtë fituan 22-25 duke marrë veten. Nisja e pjesës së dytë foli për Tiranën, që e mbylli 30-24 periodën e tretë. Në periodën e katërt, Besëlidhja fitoi 17-24 duke e dërguar ndeshjen në 92-93. Në fund emocione të mëdha për një ndeshje që ishte e denjë për NBA.

Në periodën e dytë pati edhe një ndodhi të pakëndshme mes arbitrave dhe trajnerit të Tiranës, Erkand Karaj. Protestat e teknikut nuk janë toleruar nga arbitri kryesor, që e ka nxjerrë jashtë. Te Tirana më i miri Seth Carter me 28 pikë, 1 rebaund dhe 1 asist, teksa te Besëlidhja Jordan Robinson shënoi 46 pikë, 10 rebaund dhe 3 asiste. Pas gjashtë javësh, Teuta, Tirana, Besëlidhja dhe Apolonia kanë 10 pikë, teksa Kamza 8 pikë dhe Vllaznia 6 pikë.

S.Dh/LR/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Harris apo Trump? Kush do të donin shqiptarët të ishte presidenti i SHBA-së! Ja rezultati në sondazhin e Shqiptarja.com! Votoni dhe ju

Harris apo Trump? Kush do të donin shqiptarët të ishte presidenti i SHBA-së! Ja rezultati në sondazhin e Shqiptarja.com! Votoni dhe ju

5 Nëntor, 09:12