KRUJË- Një zjarr i fuqishëm ka rënë në pyjet me pisha në hapësirën e fshatrave Halil, Zgërdhesh dhe Barkanesh në Krujë.
 
Zjarri ka rënë rreth orës 14:00 dhe është përhapur me shpejtësi për arsye dhe të erës së fortë që fryn nga veriu dhe po i afrohet banesave të fshatit Zgërdhesh.
 
Për të ndihmuar në shuarjen e zjarrit, përveç zjarrfikëseve nga Kruja e Durresi kanë ardhur dhe mbi 100 forca të ushtrisë nga Tirana.

[gallery]21653[/gallery]
FA angazhohen për fikjen e zjarrit në Kraste të Krujës
 Forcat e Armatosura i janë përgjigjur kërkesës së Emergjencave  Civile duke angazhuar rreth 40 trupa të batalionit të dytë të këmbësorisë për shuarjen e zjarrit që ka përfshirë një masiv pyjor në fshatin Krastë në Krujë, në një terren të vështirë ku është e pamundur ndërhyrja e mjeteve zjarrfikëse.
 
Efektivet e Forcave te Armatosura kane bere te mundur eliminimin e disa vatrave dhe vijojnë angazhimin për shuarjen e disa vatrave të tjera të zjarrit i cili favorizohet edhe nga era.

Personeli i Bashkisë Krujë dhe njësisë Fushë Krujë gjithashtu po angazhohen me mjete rrethanore për të izoluar përhapjen e mëtejshme të zjarrit.
 
Zjarrëfikësit thonë se zjarrvënia është e qëllimshme për të hapur territor për mbjelljen e bimëve të ndryshme.

Ndërsa një zjarr i fuqishëm ka rënë pasditen e djeshme në Vaun e Dejes në Shkodër ku ka vijuar edhe gjatë natës duke djegur masivisht pyjet e Kreshtës.

[gallery]21654[/gallery]