Avokati Spartak Ngjela komentoi në ‘Studio Live’ Report Tv aktivitetin e Edi Ramës në Greqi me shqiptarët e Selanikut dhe deklaratat e kryeministrit për Vorio Epirin. Ngjela thekson për Arbër Hitajn se arvanitasit janë në shtëpinë e tyre në Greqi, pasi janë autoktonë.
'Janë 4 milion arvanitas në Greqi. S’kanë shkolla shqipe. Çdo shtet duhet të ketë personalitetin e tij. Pse nuk kërkon shkolla qeveria shqiptare për arvanitasin atje. Janë autoktonë. Të tjerët janë të ardhur. Autoktonë janë shqiptarët dhe një grup i vogël grekësh. Janë të gjithë të ardhur nga Anadolli. Ne e kemi racën të barabartë me arvanitasit. S’kemi asnjë konflikt me ta. Çfarë kërkojnë ata?'
Vorio Epiri sipas Ngjelës është një injorancë anti-shqiptare.
'Çfarë ka reaguar Athina? Nuk ka thënë gjë. Nga i merrni,. Nuk kam dëgjuar gjë. Vajti atje takoi shqiptarët dhe iku. Dhe iu tha që Vorio Epir nuk ka se është një budallallëk dhe injorancë anti shqiptare që e kanë pasur qeveritë reaksionare greke. Vorio Epir do të thotë Epir i veriut. Po i jugut ku është? Rama vajti atje për të treguar se jemi të fortë. Dhe mirë bëri.'
Ligji i luftës i Greqisë me Shqipërinë nuk ekziston sipas avokatit pasi jemi dy vende në NATO.
'Ligji i luftës është hequr. E kanë deklaruar, ka marrë fund. Janë kot broçkulla që nxjerrin anti shqiptarët. Shqipëria është në NATO. Bëhuni njerëz tamam,. Mos dëgjoni injorantët në trotuare. Shqipëria dhe Greqia janë në NATO, si ka mundësi të jenë në gjendje lufte dy anëtarë të NATO. Jemi në NATO të dy. Kush e kërcënon njëri tjetrin? Po të ishte çështja e Vorio Epirit, po të vinte veton Greqia nuk hynim në NATO. Ne kemi hyrë në NATO. Mori fund.'
Avokati Spartak Ngjela mendon se zgjedhje e Donald Trump në Shtëpinë e Bardhë nuk do të jetë një problem për Kosovën, siç aludohet shpesh se Trump favorizon Rusinë dhe Serbinë. Sipas Ngjelës, Trump ishte president dhe për asnjë moment nuk e goditi pavarësinë e Kosovës.
'Për problemin e Kosovës nuk flet dot njeri, sepse është bombarduar NATO dhe ka bombarduar Beogradin. Dhe Millosheviçi pas një segmenti kohor dha dorëhiqej dhe lejoi Kosovën. Është marrë me luftë botërore. NATO ka bombarduar Beogradin. Pse nuk ndërhyri Rusia? Abstenoi. Forca e presidentit amerikan. Kosova është në këshill sigurimi. Është luftë botërore dhe Kosova bën shumë mirë që ka ushtrinë e vet.
Pavarësinë e saj e ka pranuar Amerika dhe shtetet të tjera. Mirë është që po të jetë Kosova e fortë nuk ka oreks Serbia ndaj Kosovës. E patë si ikën në Banjskë? Si ka mundësi të kërcënohet një shtete që ka dalë me votat e këshillit të sigurimit. Nëse Serbia kalon në aventurë problem tjetër. Mos harroni, që një shtet shqiptar është anëtar i NATO. Të shikojmë si do avancojnë ngjarjet. Nuk ka mundësi të kërcënohet Kosova se e mbron NATO.
Trump qe president, pse nuk e goditi pavarësinë e Kosovës. A jeni në vete apo jo? Ideja e shkëmbimit të territoreve është gabim i atyre që janë në burg, i liderëve të Kosovës që janë në burg. Nuk ka marrëveshje për ndërrim territoresh. Është në dorë të lidershipit të Kosovës. E dini të drejtën ndërkombëtare? Si u lënkan territoret ashtu si mendoni? Asnjë gjë nuk i ndodh Kosovës, jo Trump të vijë po kush të dojë. Presidentët nuk i godasin dot doktrinat e presidentëve të tjerë, se kanë dalë në Kongres. Ka qenë president. Apo harruat? Biden e mundi.'
Lajme të tjera
-
Skënder Minxhozi: Kur humbesh pas detajeve e harron pyllin
4 Nëntor, 20:53
-
‘Studio Live’, vizita e Ramës në Selanik, Llalla: Vorio-Epiri jo term i vdekur, Greqia ka ende aktiv Ligjin e Luftës! Beleri dhe Dule kërkojnë ngritjen e statujës së ‘motrës epiriote’ në Athinë
4 Nëntor, 19:32 -
Dosja 'Meta'/ Adriatik Doçi në 'Studio Live': Ja cilët persona përdori si bankomat! Është faktuar se ndërhyri për rritjen e çmimit të energjisë
4 Nëntor, 19:14 -
'PD nuk më duket në mosbindje civile, duhet të flasim për buxhetin', Pampuri në 'Studio Live': Arrestimi i Metës, për të bërës pis punën e SPAK
4 Nëntor, 17:40 -
Pas takimit me shqiptarët në Selanik, Rama për mediat greke: Keqinformim për pronat në Himarë! Keqardhje për zhurmën 'Beleri'! Asnjë problem për të forcuar marrëdhëniet me Greqinë
4 Nëntor, 15:18 -
Orban fton Ramën të enjten në Budapest! Hungaria mbështet ngritjen e kampeve jashtë BE
4 Nëntor, 14:54 -
Hapet Ura e Madhe në Kukës, merr pjesë në inagurim kryeministri Rama, pritet me këngë dhe valle! Planet me dron
4 Nëntor, 13:40 -
Spartak Ngjela: Edi Rama kaloi në një stad patriotik, të cilin nuk e ka pasur deri tani
4 Nëntor, 11:46
-
'Vorio Epiri është një term i vdekur' - Athina 'revoltohet' nga deklarata e Edi Ramës
4 Nëntor, 11:09 -
Dritan Hila: Pse Rama gjuan në portën pa portier
4 Nëntor, 11:09
-
Rama ndan video nga takimi me shqiptarët në Selanik: Frymëzim kuqezi
4 Nëntor, 08:50 -
Masakra në Shkodër dhe vizita në Selanik, Berisha akuza Ramës nga ballkoni: Viktima të krimit të mafias shtetërore, të licencuara për mandatin e tij!
3 Nëntor, 19:44
