Drejtori i Policisë së Tiranës, Ervin Hodaj, ka mbërritur menjëherë në vendin e ngjarjes ku u ekzekutua ish-drejtori i Policisë së Vlorës, Artan Cuku.
 
Gjatë një deklarate për mediat, Hodaj tha se policia ka të dhëna për autorët, por po punon për dokumentimin e plotë të ngjarjes dhe mbledhjen e provave që mund të çojnë në zbardhjen e autorëve të dyshuar.

Ai tha gjithashtu se plumbat e marrë në trup kanë qenë fatal për Cukun, i cili la pas gruan dhe dy fëmijët.  
 
"Në lidhje me ngjarjen në sallën operative rreth orës 20:00 ka ardhur një telefonatë për të shtëna me armë zjarri. Kanë shkuar menjëherë shërbimet në vendin e ngjarjes ku kanë kosntatuar vrasjen e ish-punonjësit të Policisë Artan Cuku rreth 40 vjeç. 

Te shtenat kane qene fatale per jeten, nuk ka pasur mundesi per transport ne spital. Është krijuar menjehere grupi hetimor”, tha Drejtori i policisë së Tiranës Ervin Hodaj ne vendin e ngjarjes.

Sipas tij, “jane dhene te dhena mbi autoret e mundshem". "Aktualisht eshte ngritur grupi hetimor si nga Drejtoria e Policise se Shtetit, dhe nga Policia e Tiranes, me ekspertet me te mire". Angazhimi jone eshte maksimal per zbardhjen e ngjarjes", tha më tej Hodaj.  

Redaksia Online
l.q/Shqiptarja.com