Ish-kryetari i bashkisë së Kamzës Xhelal Mziu deklaroi paraditen e sotme për Report Tv se nuk do ta lirojë zyrën për Rakip Sulin, të zgjedhurin e ri në 30 Qershor. Por ndryshe nga sa shprehej në media, Mziu nga ana tjetër e kishte boshatisur zyrën dhe gjithcka ishte retorikë. Një gjë e tillë vërtetohet nga pamjet brenda bashkisë, kur socialistët i dorëzuan çelësin në mënyrë simbolike Sulit që u fut dhe u ul në karrigen e kryetarit, por jo në atë që qëndroi Mziu për 12 vite. Zyra ishte totalisht e boshatisur, prej aty ishin hequr të gjitha dokumentet, certifikata, libra apo fotografitë që mbante Mziu, ndërsa e vetmja gjë që ishte 'harruar', ishte portreti i Presidentit, por me kokëposhtë. Pyetja që lind është nëse gjithcka që ishte në atë zyrë nga ku drejtoi për 12 vite ishte e Xhelal Mziut apo e bashkisë së Kamzës?
Lajmi kryesor:
Bie Kamza, Mziu boshatis zyrën dhe dorëzohet, Suli i heq karrigen: Tre vendimet e para! (Pamjet si u hap dera)
