Sali Berisha, pas Ilir Metës avancoi një strategji radikale, për të mos thënë kamikaze veprimi të repartit të tij politik, duke përmendur 77 mënyra.
Natyrisht që ato nuk se i kishte planfikuar, por në mend kishte si gjithmonë një logjikë shantazhi e presioni kryesisht ndaj amerikanëve, në logjikën e një teoreme të vjetër që Ilir Meta e ka shpjeguar mirë: i bie më të fortit.
Por kur nuk i bie i thua: Nuk e di çfarë do të bëj. Me logjikën e një shantazhi që gërsheton frikën për trazira në Shqiëri, por edhe në Kosovë e rajon. Një skenar i njohur megjithatë prej vitesh e vitesh.
Por e gjitha kjo ra u squll pikërisht kur u mësua se në SHBA ka fituar Donald Trump, e si pa zë u harrua kërcënimi për 77 nuancat e tmerrit që mund të shkaktonte Doktori dhe hejzbullahët e tij.
E gjitha kjo nuk është gjë tjetër veçse një përvojë e provuar. Kur në vitin 2017, Sali Berisha, së bashku me Ilir Metën përgatitën çadrën në bulevard për të bllokuar avancimin e reformës në drejtësi, në një kohë kur Moska po bënte lojë luftrash në Shkup, në Tiranë, erdhi një diplomat i administratës së Donald Trump, Brian Yee, i cili i tha vetëm një frazë Sali Berishës. Që e bëri të tërhiqej. Këtë e ka përmendur vetë Berisha në një intervistë vite më parë, kur ka thënë se kishte “argumente të forta”.
Por ç’ndodhi më tej? Ndodhi ajo që po përgatitej nga Berisha, si djegia e mandateve e krijimi i një situate tjetër destabiliteti. Administrata Trump në fund të vitit 2018, pikërisht pas shpalljes non grata të Adriatik Llallës, i heq Sali Berishës dhe familjes së tij vizën për të udhëtuar në SHBA. Këtu, Doktori, si gjithmonë reaktiv, reagon ashpër, e kundërshton shumë ashpër një marrëveshje që nisi të negocohet ndërmjet Kosovës dhe Serbisë që po e përgatiste jo thjesht administrate Trump, por njerëzit më të fërt pranë tij.
E bën së pari duke fryrë Ramush Haradinajn se do ta ndihmojë të fitojë zgjedhjet e të ribëhet parti e parë, së paku e dytë me një koalicion me Albin Kurtin. Jemi në vitin 2019, kur ende kryeministër ishte Ramushi.
Ndërkohë dy vitet e tjera bëhet një zëdhënës i një fushate që në të vërtetë ishte më shumë teori konspirative që flitej për ndarjen e Kosovës. E cila nuk kishte vetëm Berishën si aktor, por shumë personazhe të tjerë.
Doktori, sipas të gjitha gjasave e bëri këtë lojë, për të shtyrë një shantazh se mund të impresionojë Uashingtonin se ai e trazon Ballkanin. Një parodi që dikur, një i dërguar i DASH thjesht sa e kishte pompuar pas 21 janarit 2011. Bërë kjo, ishte administrate Trump që i qepi dosjen e non grata-s, të cilin Antony Blinken, i cili ka qenë pjesë e DASH edhe gjatë administratës Trump, vetëm e firmosi.
Ishte pikërisht kjo mënyrë e fortë e amerikanëve ndaj Berishës, të cilët e kishin toleruar shpesh, madje edhe kthyer në pushtet pasi e kishin përmbysur siç bënë në 2005-n, që e ka trembur doktorin se ka edhe më keq. Por kush është më e keqja? Amerikanët e dinë, e tani që erdhi Trump, së paku presionin nuk e ha, se është negociator i ardhur nga biznesi. E provoi në 2019-2021./ Tema
Lajme të tjera
-
Jakin Marena: Fitorja e Trump, jo amnisti për ‘non gratat’ e ‘florinjtë’ në Shqipëri
7 Nëntor, 18:54
-
Trump në Shtëpinë e Bardhë/ Gazetari: Tani i hapet rruga PD-së të vijë në pushtet! Haklaj: Berisha u shpall non-grata nga administrata e Trump-it
7 Nëntor, 17:43 -
Ironia e gazetarit: Detyra e parë e sekretarit të Trump, do jetë grisja e dosjes non grata të Prof. Dr. Sali Berishës
6 Nëntor, 20:23
-
Rikthimi i iluzioneve, pse janë entuziasmuar Berisha e Meta?
6 Nëntor, 20:21
-
Ish-kryeministri dhe opozita të ekzaltuar, ironia e Kreshnik Spahiut: Berishës vizën ia hoqi qeveria e Trump, edhe SPAK u themelua nga administrata e tij!
6 Nëntor, 19:21 -
Berishistët festojnë në ekstazë fitoren e Trump, shpërthen Evi Kokalari: Mos guxoni, Berisha e provoi se është i korruptuar! Ju demokracinë e mbani peng, do t'ju vij radha
6 Nëntor, 18:43 -
Gjykata Kushtetuese rrëzon kërkesën e Sali Berishës për përjashtimin nga çështja e tij të gjyqtares Marsida Xhaferllari
6 Nëntor, 15:32 -
Mero Baze: Mosbindja ndaj 'Mosbindjes'
6 Nëntor, 10:38
-
Referendumi që fundosi Berishën
6 Nëntor, 04:22
-
Alban Daci: 'Loja e pushtetit' dhe 3 arsye pse dështoi 'mosbindja civile'!
5 Nëntor, 20:54
-
Dritan Hila: Doktori që nuk harron vesin
5 Nëntor, 19:14
-
'Topalli me diasporën, nuk e di a do ketë energji?!' Meçe në 'Studio Live': Nuk e shoh normale që sekretet e shtetit të jenë tek telefoni i Monikës
5 Nëntor, 18:28
