POP 5

Lajmet më të lexuara të 5 minutave të fundit

Politikë

Ekonomi

Vota e diasporës kushton 2.5 milionë euro, qeveria i miraton KQZ-së buxhetin shtesë për zgjedhjet parlamentare të 2025-s

Qeveria do të ti japë 351 milionë lekë shtesë Komisionit Qendror të Zgjedhjeve për të marrë masat për zgjedhjet e ardhshme. Ministria e Financave thotë se 250 milionë lekë do të përdoren për regjistrimin e zgjedhësve në diasporë e blerjen e pajisjeve të identifikimit elektronik.

Tirane- Për herë të parë të drejtën e votës vitin e ardhshëm pritet ta kenë edhe emigrantët, të cilët do të votojnë atje ku ndodhen pa qenë e nevojshme të vijnë në Shqipëri. Për të bërë të mundur regjistrimin e diasporës dhe për realizuar prokurimet për sistemet e identifikimit elektronik për zgjedhjet e 2025-ës, qeveria i ka akorduar një fond shtesë prej 351 milionë lekësh Komisionit Qendror të Zgjedhjeve, në buxhetin e këtij viti.

“Shtesa e fondeve për KQZ-në, me qëllim avancimin në vitin 2024 të procedurave të prokurimit për zgjedhjet e përgjithshme 2025 dhe garantimin kësisoj të implementimit në kohë të fondeve buxhetore për këtë proces, thuhet në relacionin e rishikimit të buxhetit të këtij viti.

Me këtë shtesë, 250 milionë lekë do të përdoren vetëm për përgatitjen për zgjedhjet, dhe 101 milionë lekë do të shpenzohen për planifikim, menaxhim e administrim brenda institucionit.

Buxheti i KQZ me këtë rishikim është më shumë se dyfishuar, nga 300 milionë lekë që ishte në 651 milionë lekë. Për zgjedhjet e ardhshme parlamentare miliona planifikohen edhe për vitin e ardhshëm. Referuar shifrave të Ministrisë së Financave, në buxhetin e vitit 2025 do të caktohen 2 miliardë lekë si fond rezervë për organizimin e zgjedhjeve.

Këto fonde sipas dokumenteve të Ministrisë së Financave do të sigurojnë edhe implementimin e votimit elektronik, numërimit elektronik dhe të sistemit elektronik të identifikimit të votuesve në zgjedhjet e 2025.

Komisioni Qendror i Zgjedhjeve, ka bërë kërkesë pranë Ministrisë së Financave për një fond ekstra për zgjedhjet e 2025-s në total afro 4.6 miliardë lekë për shtimin e pajisjeve për votim-numërim-identifikim elektronik, si dhe për shpërblimin e anëtareve të KZAZ, KQV, GNV dhe trajnuesve te tyre, apo për punonjësit e përkohshëm për zgjedhjet qendrore të vitit 2025.

BUXHETI I KQZ
Ishte          300,007 lekë
Bëhet         651,007 lekë
Rritja       +351,000 lekë

K.T./S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Besa i sfidon në Shkodër, Brdaric: I vlerësojmë maksimalisht, mund të kemi rotacion

Besa i sfidon në Shkodër, Brdaric: I vlerësojmë maksimalisht, mund të kemi rotacion

15 Janar, 13:40