Vijon zjarri në fshatin Mengaj, njësia administrative Helmas, bashkia Kavajë, ku për shkak të dendësisë së pyllit me shkurre të thata, ka qenë i pamundur depërtimi i forcave këmbësore.
Në këto kushte u kërkua mbështetja për ndërhyrje nga ajri dhe helikopteri i Forcës Ajrore “Cougar” u nis në operacion për të bërë të mundur shuarjen e flakëve.
Ministria e Mbrojtjes bënë me dije se zjarri ka përfshirë dy deri në tre hektarë sipërfaqe toke dhe pas ndërhyrjes së forcave zjarrfikëse të bashkive Tiranë dhe Kamëz, është bërë e mundur, në orët e para të mëngjesit të sotëm, izolimi i një pjesë të zjarrit në krahun ku rrezikoheshin banesat.
![](https://shqiptarja.com/template/img/NO_ALFA_Kuadrate shqiptarja.png)
Gjatë natës, në vendngjarje, ka qenë i pranishëm edhe prefekti i qarkut Tiranë Afrim Qendro, i cili pa edhe situatën nga afër.
"Për shkak të pamundësisë së ndërhyrjes së automjeteve, si pasojë e thellësisë së zonës së zjarrit dhe terrenit të vështirë, flakët kaluan kodrën duke përfshirë edhe një pjesë të fshatit Cikallesh të komunës Helmës në Kavajë", njoftoi ministria.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)