Ndonëse kemi një bilanc të lartë të aksidenteve rrugore, shoferët vijojnë të shkelin rregullat e qarkullimit. Policia ka shtuar kontrollet gjatë fundjavës për shkak fluksit të krijuar nga pushuesit të cilët kthehen nga bregdeti dhe prej orës 16:00 të ditës së sotme ka ndëshkuar me gjobë 256 drejtues mjetesh që kryenin parakalime të gabuara apo sjellje agresive në rrugë.

Investimet në bujqësi vijojnë për të lehtësuar punën e fermerëve në zonat e Librazhdit në prag të sezonit të vaditjes.

Ndalur te zgjedhjet në PD që do të mbahen më 13 qershor, Basha e konsideroi këtë si sfidën e parë të PD pas zgjedhjeve. Një thirrje Basha e pati edhe për kritikët e tij brenda PD, ndërsa tha se duhet të lënë mënjanë inatet personale dhe të bashkohen kundër "armikut të egër të demokracisë e Shqipërisë".

Tre persona janë arrestuar mëngjesin e sotëm në Elbasan dhe janë shpallur në kërkim dy të tjerë, të akuzuar për kultivim kanabisi. Në pranga kanë rënë Mevlan Balla 32 vjeç, Dashamir Balla 39 vjeç dhe Frederik Gaçi 47 vjeç, banues në fshatin Krrabë e Madhe, ndërsa në kërkim janë shpallur L. B., 30 vjeç dhe I. B., 83 vjeç, banues në fshatin Krrabë e Vogël.

Një 47-vjeçare është ndarë nga jeta pasi ka rënë nga autobusi me të cilin po udhëtonte. Ngjarja u regjistrua mbrëmë në fshatin Tregan.

Ngjarja u regjistrua mbrëmjen e sotme në fshatin Tragan, ndërsa mësohet se gruaja, identiteti i të cilës nuk dihet, ka hapur aksidentalisht derën e autobusit dhe për pasojë ka rënë, duke marrë lëndime në trup.

Teksa na ndajnë dhe 5 ditë kur Kuvendi do të votojë për shkakrimin e presidentit Ilir Meta, ky i fundit nga Elbasani ku mori pjesë në një pelegrinazh te Manastiri i “Shën Joan Vladimirit”, pyetjes së gazetarëve se nëse u lut që të mos e shkarkojnë iu përgjigj duke thënë se lutja e tij ishte që zoti "ti falë ata që sipas tij s'dinë çfarë bëjnë". Presidenti ka deklaruar se Kuvendi sot është më antikushtetues se para 3 vitesh.

Edhe pse një aks i rikonstrukturuar gjatë viteve të fundit, një problematikë që po kthehet në shqetësim për qytetarët në aksin Elbasan-Cërrik është vjedhja e kapakëve të pusetave. Qytetarët thonë se ndihen të rrezikuar të kalojnë në rrugë se mos bien në puseta, veçanërisht gjatë mbrëmjeve

Besimtarët ortodokse nga Shqipëria, por edhe nga Maqedonia e Mali i Zi janë mbledhur mbrëmjen e sotme për të kremtuar festën e Shën Johan Vladimirit në Manastirin që mban emrin e shenjtit.

Kanë qenë disa persona që i kanë vënë zjarrin vendepozitimit të plehrave, të mbyllur që nga viti 2017. Sikurse mund të shihet edhe nga pamjet, tymi ka mbuluar zonën, ndërsa forcat zjarrfikëse kanë ndërhyrë menjëherë duke vënë situatën nën kontroll.

Pas përfundimit me sukses të fazës së zbatimit dhe lidhjen me rrjetin kombëtar të energjisë elektrike, njësia e parë e Impiantit Fotovoltaik Lundrues të Banjës ka filluar operimet tregtare. Impianti po prodhon energji të rinovueshme dhe ajo po futet në rrjetin shqiptar të energjisë.

Spiro Maliqi është emëruar prefekt i Qarkut të Elbasanit. Emërimi i tij në këtë post vjen pas dorëheqjes së Klevis Xhoxhit i cili u zgjodh deputet i Elbasanit.

Pas publikimit të videove të drejtueses së Elbasanit, Enkeleda Kapedani, e cila sfilonte në korridoret e gjykatës, qytetarët e Elbasanit kanë shprehur opinionin e tyre. Sipas tyre veprimet e gjyqtares janë të shëmtuara, pasi ka shkelur kodin e etikës. 

Inspektori i Lartë i Drejtësisë, Artur Metani ka kërkuar shkarkimin nga detyra të gjyqtares së Elbasanit, Enkeleda Kapedani për shkelje disiplinore. Report Tv ka siguruar kërkesën e ILD drejtuar Këshillit të Lartë Gjyqësor, ku kërkon shkarkimin e saj nga detyra dhe nisjen e hetimeve për shkelje të kodit të etikës së gjyqtarit. KLGJ do të vendos nesër për fatin e saj në seancën që do të zhvillojë.

Një 25-vjeçar ka mbetur i plagosur me thikë pasditen e sotme në Elbasan. Mësohet se ngjarja u regjistrua në lagjen "Kongresi", në afërsi të qendrës së qytetit, ku 25-vjeçari, ende i paidentifikuar, u godit disa herë me thikë nga një 24-vjeçari Marsel Jevgu. Pas ngjarjes, ky i fundit u përpoq të largohej, por u arrestua nga policia.