Një ngjarje e rëndë ka ndodhur pasditen e sotme në fshatin Dragostunjë të Librazhdit. Qemal Bici, 59 vjeç ka vrarë me sëpatë gruan e tij, Lumturie Bicin 50 vjeçe, në banesë dhe më pas ka varur veten në pemë. Trupat e pajetë të bashkëshortëve u gjetën nga djali i tyre 20 vjeçar! Repot Tv ka siguruar momentin kur djali i tronditur qan dhe vë duart në kokë pasi gjeti nënën të vrarë me sëpatë, ndërsa të atin të varur në pemë.

Këshilli i Lartë Gjyqësor (KLGJ) ka vendosur pezullimin nga detyra të Elnekelda Kapedanit, pas video të publikuara në TikTok, teksa sfilonte në ambientet e Gjykatës së Elbasanit. KLGJ ka pranuar kërkesën e ILD për pezullimin e saj për shkelje me argumentin se ka diskretituar figurën e një gjyqtari, ndonëse Kapedani nuk ka qenë e atij mendimi.

Ndonëse kemi një bilanc të lartë të aksidenteve rrugore, shoferët vijojnë të shkelin rregullat e qarkullimit. Policia ka shtuar kontrollet gjatë fundjavës për shkak fluksit të krijuar nga pushuesit të cilët kthehen nga bregdeti dhe prej orës 16:00 të ditës së sotme ka ndëshkuar me gjobë 256 drejtues mjetesh që kryenin parakalime të gabuara apo sjellje agresive në rrugë.

Investimet në bujqësi vijojnë për të lehtësuar punën e fermerëve në zonat e Librazhdit në prag të sezonit të vaditjes.

Ndalur te zgjedhjet në PD që do të mbahen më 13 qershor, Basha e konsideroi këtë si sfidën e parë të PD pas zgjedhjeve. Një thirrje Basha e pati edhe për kritikët e tij brenda PD, ndërsa tha se duhet të lënë mënjanë inatet personale dhe të bashkohen kundër "armikut të egër të demokracisë e Shqipërisë".

Tre persona janë arrestuar mëngjesin e sotëm në Elbasan dhe janë shpallur në kërkim dy të tjerë, të akuzuar për kultivim kanabisi. Në pranga kanë rënë Mevlan Balla 32 vjeç, Dashamir Balla 39 vjeç dhe Frederik Gaçi 47 vjeç, banues në fshatin Krrabë e Madhe, ndërsa në kërkim janë shpallur L. B., 30 vjeç dhe I. B., 83 vjeç, banues në fshatin Krrabë e Vogël.

Një 47-vjeçare është ndarë nga jeta pasi ka rënë nga autobusi me të cilin po udhëtonte. Ngjarja u regjistrua mbrëmë në fshatin Tregan.

Ngjarja u regjistrua mbrëmjen e sotme në fshatin Tragan, ndërsa mësohet se gruaja, identiteti i të cilës nuk dihet, ka hapur aksidentalisht derën e autobusit dhe për pasojë ka rënë, duke marrë lëndime në trup.