Policia e Tiranës përgënjeshtron kandidatin e PD-së Belind Këlliçi për pretendimet dhe akuzat e hedhura mbrëmjen e sotme se në një zyrë elektorale të PS shpërndaheshin para për vota, në zonën e “Petro Ninit”. Deputeti socialist kallëzon PD dhe mbështetësit e saj për ushtrim force. Edhe SPAK verifikoi, nuk u gjet asgjë e paligjshme në zyrë

Me anë të një reagimi publik në rrjetin social Facebook, Erion Braçe, që kandidon në listën e hapur të Tiranës, ka bërë një sqarim duke mohuar akuzat dhe deklaruar se do bënte një kallëzim penal për “Bandën e Belind Këlliçit”

KQZ ka urdhëruar operatorin teknik të mos e publikojë sot rezultatin e pajisjeve te votimit elektronik. Lidhur më këtë juristi Kreshnik Spahiu tha se, bllokimi i numërimit elektronik nga KQZ është në kundërshtim me ligjin.

PS e ka cilësuar vendimin e KQZ për të shtyrë publikimin e rezultatit të votimit elektronik në njësinë nr.10 dhe Vorë si arbitrar dhe zhgënjyes. Socialistët shprehen se Vora do të jetë dallëndyshja e parë e një fitoreje të paharrueshme.

Mbyllet numërimi brenda vendit. Vijon diaspora dhe numërimi i votave preferenciale për kandidatët dhe diaspora. PS rritje në të gjithë vendin, edhe në ‘bastionet’ e djathta. PD me aleatët nga 63 mandate zbresin në 50 mandate. PS: 1 mandat plus në Tiranë, 3 plus në Fier, 2 plus në Elbasan, nga 1 më shumë në Dibër, Shkodër dhe Vlorë. PD humb mandate: 4 në Tiranë, 3 në Fier, 2 në Elbasan, nga 1 në Dibër, Korçë dhe Vlorë

Noka dhe Vokshi janë përplasur me disa qytetarë në një qendër votimi në Vorë. Njëri prej tyre hedh akuza duke thënë se kanë vrarë njerëz. Policia ka nisur hetimet ndaj Sekretarit të Përgjithshëm të PD. KQZ ka revokuar edhe akreditimin për vëzhguesit. 

Në një prononcim për mediat, Spiropali iu bëri thirrje qytetarëve që të votojnë.  

Gazetari Sokol Dema bëri një ‘tur’ nëpër kryeqytet, duke kaluar nëpër institucionet më të rëndësishme në vend, për të sjellë pak nga situata në kryeqytet.

Para se të hynte brenda qendrës së votimit, gazetarja sqaroi se ka marrë autorizim për të realizuar votimin drejtpërdrejt live, por duke respektuar gjithmonë fshehtësinë e votës.

Procesi i votimit në Tiranë vijoi i qetë. Katër persona ranë në pranga, ndërsa një grua në Kavajë u shoqërua në polici pasi u kap me listë emrash. Më herët ajo kishte takuar ish-kryebashkiakun socialist Elvis Rroshin. 

Veliaj shprehet se Tirana po shkëlqen sot në sytë e Europës, me garën e cila po ndiqet drejtpërdrejt nga 200 media, duke e shndërruar kryeqytetin në epiqendrën e sportit, por edhe të turizmit dhe mikpritjes.

Giro d'Italia' ka zhvilluar sot (10 maj) Etapën e Dytë në Tiranë për edicionin e 108-të të këtij eventi. Kryeministri Edi Rama ka ndarë pamje të aktivitetit Giro d’Italia në Tiranë. Sot po mbahet dita e dytë, ndërsa nesër do të jetë e fundit.