Një 30-vjeçar ka rënë në pranga pasi përmes mashtrimit ka përfituar shuma të ndryshme parash. Vetëm nga një qytetare, 30-vjeçari Qerim Krasniqi, me origjinë nga Kosova, ka përfituar 135 mijë euro. Krasniqi i ka kërkuar 135 mijë euro boxh me pretendimin e se do hapte një Call center.

Kopshti Zoologjik do të hapet më 1 qershor, që përkon me ditën e fëmijëve. Në këtë ditë të veçantë, fëmijët do të marrin një tjetër dhuratë, një hapësirë të re për të kaluar më shumë kohë, e cila do të ketë edhe parqe lojërash, hapësira për piknik.

Një 45-vjeçar ka ndërruar jetë si pasojë e një aksidenti rrugor në Shkozë. 45-vjeçari udhëtonte me një motor, por është përplasur nga autobusi i linjës së Shkozës, i cili drejtohej nga 60-vjeçari, H.T.

Një 31-vjeçar ka rënë në prangat e policisë, pasi organizonte lojëra fati të paligjshme. 31-vjeçari kishte përshtatur në lokalin e tij organizmin e lojërave të fatit.

E diela pa makina është rikthyer në një traditë nga Bashkia e Tiranës. Çdo ditw e diel në kryeqytet do t’i dedikohet këmbësorëve si një mënyrë jo vetëm për të ulur ndotjen, por dhe për të sjellë një kulturë të re në kryeqytet.

Në Partinë Demokratike janë duke u zhvilluar zgjedhje për krerët e degëve, proces i organizuar në mënyrë të njëanshme nga Komisioni i Rithemelimit i Berishës dhe që nuk njihen nga pala tjetër brenda partisë. Berisha po zgjedh kryetar degësh mbështetësit e tij. Rasti është i kryetarit të Kamzës Arjan Hoxha.

Ndodh edhe kështu. Në Tiranë një pronar i një makine luksoze Lamborghini është gjobitur nga policia me 40 mijë lekë pasi nuk kishte paguar siguracionin e mjetit. Papërgjegjshëmria arrin deri aty sa të blesh një makinë qindra milionë dhe të mos denjosh t’i paguash një siguracion rreth 200 euro.

Kryetari i Bashkisë së Tiranës, Erion Veliaj priti në një takim Kryetarin e Komunës së Suharekës, Bali Muharremaj, me të cilin diskutoi mbi rritjen e bashkëpunimit në fusha të ndryshme, kryesisht në atë të inovacionit, ekonomisë dhe të sportit.

I riu me inicialet S. D., u kap në rrugën "Xhanfize Keko", ndërsa po ashtu është gjobitu me 15 mijë lekë, i është pezulluar patenta për 12 muaj dhe i janë hequr 10 pikë nga leja e drejtimit.

Ministrja e Arsimit Evis Kushi ka zhvilluar takim me drejtues të institucioneve arsimore nga e gjithë Shqipëria duke shpallur thirrjen për vendin vakant të drejtorit të përgjithshëm pas dorëheqjes së Selman Hodajt.

Bëhet me dije se është arrestuar Hermes Hasani, i cili, sipas policisë, shpërndante kanabis me doza në zonën e Laprakës dhe te Fusha e Aviacionit në kryeqytet.

Ditën e sotme është lançuar Programi i Depistimit të Shëndetit dhe Kujdesit Dentar për fëmijët e grupmoshës 6-14 vjeç në shkolla.

Kryetarja e LSI, Monika Kryemadhi ka zhvilluar një takim me kryetarët e degëve të LSI në të gjithë vendin duke thënë se do përgatiten për zgjedhjet lokale të vitit 2023. Në Konventën e 25 Korrikut pritet të zgjidhet i gjithë ekipi drejtues.

Në ‘Javën Hollandeze’, Bashkia e Tiranës dhe Ambasada e Holandës organizuan "Orange Bike Week", një aktivitet për promovimin e biçikletave në qytet, si dhe ndërgjegjësimin e qytetarëve ulin përdorimin e makinës. Kryebashkiaku Erion Veliaj tha se ndryshimi vjen ngadalë, por shtimi në masë i korsive të biçikletave në Tiranë, ku sot numërohen 52 km, dhe organizimi i ditëve pa makina çdo të dielë, janë një lajm i shkëlqyer për të gjithë. I pranishëm në aktivitet ishte edhe ambasadori i Holandës në Tiranës, Reinout Vos.

Në Ditën e Tokës, kryebashkiaku i Tiranës, Erion Veliaj, iu bashkua aksionit për mbjelljen e rreth 100 pemëve të reja pranë Parkut të Liqenit. Ai tha se këtë sezon janë mbjellë 114 mijë pemë, falë ndihmës së fëmijëve, që e kanë përqafuar këtë nismë që në ditët e para, por edhe bizneseve të ndryshme që dhurojnë pemë për qytetin

Një 35-vjeçar është arrestuar nga policia e Tiranës pasi u kap duke ushtruar aktivitetin e kundërligjshëm të lojërave të fatit.

Një fëmijë 2 vjeç është plagosur në një aksident që ndodhi pasditen e sotme te mbikalimi Fabrika e Miellit në Tiranë