Në një deklaratë për mediat pas dhunës së ushtruar ditën e djeshme në Shkodër, kryebashkiakja Voltana Ademi deklaroi se nuk ka qenë organizatore as ajo e as PD teksa hodhi sërish akuza ndaj policisë së Shtetit për mosreagim të denjë ndaj protestuesve.

Përsa i përket protestës së dhunshme ditën e djeshme në Shkodër, policia ka vendosur nën hetim kryebashkiaken Voltana Ademi për akuzën e organizimit të tubimeve të paligjshme. Gjithashtu nën hetim janë vendosur dhe 45 persona të tjerë, mes tyre 17 minorenë. Policia ka proceduar dhe 2 punonjës zjarrëfikëse për shpërdorim detyre pasi kanë reaguar me vonesë ndaj një thirrje për ndërhyrjen dhe shuarjen e flakëve pranë selisë së PS-së.

Selia e PS-së në Shkodër është riparuar pas dëmtimeve të shkaktuara nga protestat që përfshinë qytetin ditën e djeshme. Drejtuesi politik i PS-së në këtë qytet përmes një postimi në Facebook shkruan se simpatizantët socialistë shkodranë janë të indinjuar nga ky akt.

Kryetare e Bashkise Shkoder denoncon ne prokurori drejtuesit e policise se shtetit, duke kerkuar “Procedimin penal  të punonjësve dhe të drejtuesve të Policisë së Shtetit, për kryerjen e veprës penale “Shpërdorimi i detyrës” parashikuar nga neni 248 i Kodit Penal.”

Kryetarja e Bashkisë së Shkodrës, Voltana Ademi, ka folur në një intervistë për Report Tv në lidhje me dhunën e paprecedentë që u regjistrua paraditen e sotme në protestat për vrasjen e 25-vjeçarit Klodjan Rasha. Ademi kërkon hetim nga organet kompetente për personat që kanë angazhuar të miturit në këtë protestë. Ajo akuzoi Policinë e Shtetit për një vonesë prej 40 minutash.

Protesta e dhunshme në Shkodër që si fillim nisi për vrasjen e Klodjan Rashës ka përfunduar, por ato  që kanë mbetur pas saj janë rrënojat e djegieve dhe shkatërrimeve.

Ademi shkruan se kur dhuna nisi ka qenë vetë ajo që ka lajmëruar policën Shkodër, ndërsa shprehet se PD nuk ka nxitur kurrë urrejtje politike as në kohërat më të errëta dhe nuk nxit as dhunën sot.