Teksa luhej gjysmëfinalja e dytë për kampionatin europian Danimarkë-Angli, një operacion i koduar "Gjysmëfinalja" është zhvilluar mbrëmjen e djeshme në 12 qarqet e vendit për goditjen e lojërave të fatit, gjatë të cilit janë janë arrestuar 35 persona ndërsa janë vënë nën hetim 18 të tjerë

Mes dhimbjesh dhe lotësh është përcjellë sot në banesën e fundit 29-vjeçarja Ardita Muça e cila ka  ndërruar jetë 5 ditë pas lindjes.

Një algjerian është arrestuar nga policia pasi dyshohet se ka vjedhur sende të ndryshme në makina të parkuara.

Një ngjarje e rëndë ka ndodhur mbrëmë rreth orës 21.00 në lagjen nr.17 /1 në Durrës ku 24 vjeçarja Anisa Gjini dyshohet se pas një konflikti me burrin e saj është hedhur nga ballkoni i katit të tretë shtëpisë dhe ka ndërruar jetë.

Vdekja e 23-vjeçarit, Rafael Tafaj teksa po punonte, pa asnjë kusht sigurie, ka çuar në pranga pronarin e gomisterisë Xhemal Duka. Gjithashtu, ajo që e bën më të rëndë këtë ngjarje janë akuzat e dëshmitarëve, të cilët kanë akuzuar se ambulanca është vonuar më shumë se 40 minuta, e pikërisht pas këtyre akuzave është vënë në hetim shoferi i ambulancës Tiril Leba.

SPAK ka përfunduar hetimet për Talo Çelën dhe grupin e tij lidhur me 2 vrasje të bujshme në Durrës atë të 2 vëllezërve Viktor dhe Besmir Haxhia dhe vrasjen e të rinjve Dorian Shkoza, Anxhelo Avdia. Çështja për vrasjet e ndodhura në brenda një harku kohor prej dy javësh nga njëra tjetra, është dërguar për gjykim në GJKKO

Në portin e Durrësit është krijuar një situatë kaotike pasi rreth 100 kamionë janë bllokuar e nuk ngarkojnë dot kontenierët me mallra të ndryshëm. Fajin e ka kompania Mariner Adriatic që duhet të ofrojë këtë shërbim për të cilin dhe paguhet, por ky operator s’ ka mjaftueshme mjetet risteker që ngarkojnë  kontenierët. Prej tre muajsh drejtuesit e mjeteve ankohen, ndërsa sipërmarrje mund të operojnë në portet fqinje nëse nuk zgjidhte kjo situate.

Një ngjarje e rëndë ka ndodhur në Durrës, pasi një 29-vjeçare ka ndërruar jetë 5 ditë pas lindjes. Viktima është identifikuar si Ardita Muça nga Arapaj. E reja ka lindur fëmijën e dytë, djalë me datën 30 qershor në maternitetin e Durrësi dhe lindja është kryer me operacion

Rafael Tafaj ka humbur jetën tragjikisht në punë, pasi teksa po rregullonte gomën e një kamioni, ajo ka shpërthyer e për pasojë humbi jetën. 20-vjeçari kishte dy vite që punonte në këtë gomisteri, teksa ishte edhe banues në ish-Kënetë, në të njëjtin vend që ka ndodhur edhe ngjarja. 

Punimet për rikonstruksionin e markatës në Durrës, kanë bërë që 350 tregtarë të mbeten pa punë. Bashkia u ka caktuar një vend provizor për të shitur, që nuk plotëson asnjë kusht higjieno-sanitare e për pasojë nuk ka as blerës.

Pikave të grumbullimit të mbeturinave në Gjirin e Lalzit i është vënë flaka pasditen e sotme, duke bërë që zona të mbulohet nga tymi. Mbetjet vijojnë të digjen prej disa orësh tashmë, ndërsa ende asnjë zjarrfikës nuk ka shkuar në vendngjarje për shuarjen e flakëve.

Një krim i rëndë në familje ka ndodhur vetëm para pak minutave në zonën e Bubqit në Fush-Krujë. Një 51-vjeçar, Artan Ismalaja ka vrarë me thike gruan e tij Klarita Ismalaja, 45-vjeçe. Pasi bashkëshortja e tij është ka ndërruar jetë, Ismalaja më pas ka tentuar të vetëvirtet duke e goditur veten me thikë në qafë. Ai është nisur urgjent drejt Spitalit të Traumës në gjendje të rëndë shëndetësore. 

3 pronarë biznesesh janë vënë në hetim pasi kishin 'privatizuar' plazhin e Golemit duke vendosur shezlongë pa leje. Bëhet fjalë për A. B., 59 vjeç, F. Sh., 30 vjeç dhe E. Sh., 31 vjeç. Gjatë kontrolleve të ushtruara gjatë ditës së sotme, u konstatua se këtë pronarë kishin zënë hapësirën publike me shezlongë dhe çadra të vendosura pa lejen përkatëse.