33-vjeçari Aleksandar Vukicevic, banues në Podgoricë është arrestuar në pikën kufitare të Morinës pasi ishte i shpallur në kërkim ndërkombëtar.

Pas një hetimi 1 mujor, janë gjendur të kultivuara bimë kanabisi në fshatin Palç, ku si rezultat janë arrestuar dy persona, 53-vjeçari Ndue Ndoja dhe 19-vjeçari Amarildo Ndoja, babë e bir dhe banues në lagjen Kotec të këtij fshati.

Një 21-vjeçar me iniciale B.Th., nga Prizreni ka rënë në pranga pasi gjatë kontrolleve në Pikën Kufitare të Morinës, tentoi të korruptonte me 50 euro punonjësit e policisë për të kaluar me një motor të dyshuar si të trafikuar.

15 pako kanabis, me peshë 3.1 kilogramë, e përpunuar në formë çokollate është sekuestruar nga policia e Lezhës në autobusin e linjës Tiranë-Tropojë. Përmes operacionit ‘Linja’ uniformat blu kanë prangosur drejtuesin e automjetit Alban Ismalaj, i cili tashmë është marrë nën hetim me akuzën e prodhimit dhe shpërndarjes së drogës.

Të dyja bashkitë dhe në veçanti institucionet e tyre specifike, do të përpiqen për bashkëpunim zhvillimor dhe shkëmbim reciprok të përvojës, veçanërisht në fushën e shërbimeve me interes të përgjithshëm, mbrojtjen e mjedisit, dhe çështje administrative përkatëse. Fokusi kryesor është në depozitimin e mbetjeve dhe ujërave të zeza.

Është parandaluar një rast i kontrabandës me emigrant, ku ditën e sotme rreth orës 05:30, patrulla policore në pikën kufitare të Vërmicës, ka ndaluar një auto-ambulancë me targa të Kosovës , ku gjatë kontrollimit janë gjetur gjashtë emigrantë të paligjshëm.

Bushtrica mirëpriti për të tretin vit radhazi “Ditën e Bjeshkëve”, ku banorët të zonës dhe turistë të huaj ju bashkuan festës së organizuar me këngë, valle dhe ushqime bio tradicionale. Për kreun e Bashkisë Kukës, Safet Gjici evente të tilla ndihmojnë në promovimin e bukurive të turizmit malor.

Shqipëria dhe Kosova nuk do të kenë më kontrolle në kufi. Lajmi bëhet i ditur nga kryeministri Edi Rama, i cili thekson se kjo marrëveshje mes dy vendeve do të zbatohet për gjatë gjithë vitit, jo vetëm në periudhën e sezonit turistik.

Heqja e kontrolleve në pikën kufitare të Morinës ka shmangur rradhët e gjata të automjeteve. Lëvizjet janë bërë pa asnjë pengesë për të dytën fundjavë radhazi, ndërsa fluksi i atyre që kanë zgjedhur bregdetin shqiptar për fundjavë, ishte i lartë.

Gjatë kontrollit në një makinë tip “BMW”, Policia Kufitare e Morinës gjeti dhe sekuestroi një sasi parash prej 12.400 eurosh dhe 1.850.600 lekësh të pa deklaruara.

Analizat e ujit në Kukës janë publikuar dhe rezulton se nuk kanë përmbajtje bakteriologjike. Lajmi është bërë me dije nga kryebashkiaku i Kukësit, Safet Gjici, i cili bën me dije se sipas analizave të ardhura nga Instituti i Shëndetit Publike, uji është i pastër dhe qytetarët nuk janë helmuar nga uji i pijshëm.

Qytetarët në Kukës nuk duhet të panikosen, pasi uji nuk ka përbërje bakteriologjike, por është përzier me ujin vaditës. Drejtori i Njësisë Vendore të Kujdesit Shëndetësor në Kukës, Hasan Halilaj është përgjigjur në lidhje me shqetësimin që kanë patur banorët e Kukësit. Ai thotë se rezultatet e analizave kanë treguar uji është i pastër bakterioligjikisht në kushtet dhe parametrat fiziko-kimike dhe te klorit brenda normave te përcaktuar në ligj.

Një aventurë në Valbonë i ka kushtuar rëndë 4 alpinistëve të cilët janë bllokuar në majën e Brizës, por pas njoftimit u evakuuan me helikopter. 

Dhjetëra qytetarë janë shtruar në urgjencën e spitalit të Kukësit kryesisht me shqetësime virozash dhe helmim. Dyshimet e para për këtë fluks kanë ardhur për ujin, i cili rezultonte i turbullt.

Fundjava dhe lëvizja pa pengesa në pikat e kalimit kufitar Shqipëri-Kosovë ka shtuar fluksin e mjeteve dhe të shqiptarëve të Kosovës drejt bregdetit shqiptar. Në Morinë, fluksi i madh ka qenë që në orët e hershme të mëngjesit e vazhdon ende. Në sportelet e doganës, Policia kufitare e Morinit nuk ka kërkuar dokumentet dhe nuk i ka regjistruar qytetarët e Kosovës.