Troket Viti i Ri 2021. Në ndryshim nga vitet e tjera, këto festa u zhvilluan në një situatë aspak të zakontë në një moment ku e gjithë bota po përballet me armikun e padukshëm COVID-19. Por kjo nuk i ka ndaluar aspak që atmosferën festive që qytetarët ta sjellin në shtëpitë e tyre. Rrugët e qyteteve ishin të boshatisura, kjo për shkak dhe të masave të marra nga qeveria për ndalimin e lëvizjes pas orës 20:30.

Një aksident u regjistrua pasditen e kësaj të enjte (31 dhjetor) në autostradën Lezhë-Shkodër pranë kryqëzimit të Blinishtit. Tre automjete janë përplasur me njëra-tjetrën e për pasojë janë plagosur dy persona.

Policia e Lezhës ka njoftuar mëngjesin e sotëm se ka vënë në pranga të dyshuarin për vënien e eksplozivit më 19 nëntor në Shëngjin, ku shpërtheu një sasi lënde plasëse në objektin në pronësi të shtetasit Liman Gjoka 56-vjeç banues në Tiranë.

Në fund të tremujorit të tretë në vend kishte 943 mijë persona të konsideruar inaktivë, të cilët janë mbi 15 vjeç dhe të aftë për punë, por që kanë zgjedhur të mos punojnë, për arsye, si për shembull pamundësi për të punuar, mungesë motivimi dhe moskërkim për punë, ndjekje të shkollës, apo përkushtim pas familjes.

Moti i keq dhe stuhitë e forta kanë sjellë përmbytje në Velipojë, duke bërë që uji të vërshojë në bizneset e hotelet që janë ndërtuar pranë bregdetit. Janë mbi 10 biznese që kanë prani uji në objektet të tyre.

Familja Vuka nga Lezha po pret natën e ndërrimit të viteve në kontejner. Një festë e munguar kjo për familjen me 5 anëtarë, ku kryefamiljari është i paralizuar. Apeli i tyre është një shtëpi të re, pasi u dëmtuan nga tërmeti i 26 nëntorit 2019.

Një 56-vjeçar është arrestuar nga policia e pasi në biznesin e tij në Lezhë u gjetën fishekzjarre dhe kapsolla me fuqi të lartë shpërthyese. Në kontrollin e bërë në dyqanin me artikuj ushqimor në lagjen “Nënë Tereza”, Lezhë policia ka gjetur dhe ka sekuestruar qindra fishekzjarrë dhe kapsolla me fuqi të lartë shpërthyese të rrezikshme për jetën e qytetarëve gjatë përdorimit civil të tyre.