Një aksident automobilistik është regjistruar mesditën e sotme në qytetin e Lezhës. Një automjet ka humbur kontrollin gjatë lëvizjes dhe ka përfunduar pranë një parkingu, ku është përplasur me disa automjete të tjera të parkuara.

Policia e Lezhës arrestoi Donika Currin, 33 vjeçe, për mashtrim financiar duke përdorur të dhënat personale të disa shtetaseve për të përfituar kredi. Hetimet vijojnë për zbardhjen e skemës dhe identifikimin e bashkëpunëtorëve të saj.

Temperaturat ekstreme dhe thatësira kanë shtuar ndjeshëm rrezikun për zjarre në vend. Qarku i Fierit konsiderohet më i ekspozuari, ndërsa sot është regjistruar temperatura maksimale prej 36 gradësh. Në ditët në vijim pritet të ketë rritje! Mbrojtja Civile deklaron se 11 qarqet e tjera paraqesin rrezik te moderuar, ndaj qytetarët duhet të tregohen të kujdeshëm.

Njësia Vendore e Kujdesit Shëndetësor në Lezhë ka intensifikuar procesin e dezinsektimit në kuadër të marrëveshjes me ISHP, duke trajtuar mbi 16 hektarë sipërfaqe me ujë dhe zona problematike për larvat e mushkonjave. Fushata, që zgjat deri në tetor me ndërhyrje çdo 14 ditë, synon të ulë densitetin e mushkonjave dhe të parandalojë rreziqet për shëndetin publik.

Allush Hysa, i dënuar për plagosje të rëndë ka ndërruar jetë në burgun e Lezhës. Pas kësaj ngjarje, janë njoftuar SHKBSB, Prokuroria e Rrethit, komisariati i Policisë dhe familjarët.

Paraditen e kësaj të mërkure, është gjetur trupi i pa jetë i një 60-vjeçari, në një depo uji e cila ishte në ndërtim në fshatin Zheje të Mamurrasit.

Komisioni Qendror i Zgjedhjeve certifikoi përfundimisht rezultatin e zgjedhjeve për qarqet Korçë, Kukës, Lezhë dhe Gjirokastër.

Një aksident ka ndodhur mbrëmjen e sotme në aksin Lezhë-Milot, në afërsi të kryqezimit të rrugës së Shëngjinit. Një automjet ka përplasur një motorçikletë, e për pasojë ka mbetur i plagosur drejtuesi i saj, i cili është dërguar me urgjencë për ndihmë mjekesore në spital.

GJKKO ka dënuar 3 zyrtarë të Bashkisë Kurbin, për shkelje tenderash dhe falsifikim dokumetash, ndërsa bëhet fjalë për tenderin e ujësjellësit të Laçit. U dënuan Jeton Cakoni, Vlash Gega dhe Donika Senka.

Policia e Lezhës ushtroi kontrolle për nivelin e zhurmave në zonën turistike të Shëngjinit. Blutë njoftojnë se janë testuar me matës të zhurmës disa ambiente dhe subjekte dhe matjet kanë rezultuar brenda kufijve të lejuar.

Është rikthyer furnizimi me energji elektrike për qindra banorë në zonën e Lezhës dhe Kurbinit, pas vendosjes së transformatori të ri në nënstacionin elektrik të Fushë-Kuqes.