Bazin me kripë

Përbërësit:

• 2 gota ujë
• 1 gotë miell misri
• 4 lugë gjalpë të tretur
• Kripë sipas dëshirës

Për servirje:

• Lakër arme ose djathë të grirë
• Vaj ulliri

Përgatitja:

Vendosim ujin të vlojë në temperaturë të lartë. Kur uji merr valë, shtojmë pak kripë. Duke e përzier me dorë, shtojmë ngadalë miellin e misrit në ujin që vlon, që të mos bëhet me kokrriza. Ulim nxehtësinë dhe shtojmë gjalpin. E përziejmë derisa të trashet si një lloj pureje. E heqim nga zjarri dhe e hedhim në pjatë. Shtojmë sipër lakër arme ose djathë të grirë dhe pak vaj ulliri.