Bugaçe e ëmbël
Përbërësit:
- 1 litër qumësht
- 200 gr sheqer
- 100 gr gjalpë
- 100 gr niseshte misri
- 4 vezë
- 1 lugë gjelle vanilje
Për bazën me petë:
- 1 pako petë
- 150 gr gjalpë i shkrirë
Për sherbetin:
- 300 gr sheqer
- 200 ml ujë
- 1 fetë limoni
- 1 lugë gjelle mjaltë
Përgatitja:
Në një tenxhere përziejmë niseshtenë me pak qumësht derisa të tretet. Shtojmë pjesën tjetër të qumështit dhe sheqerin, e vendosim në zjarr mesatar dhe e trazojmë derisa të trashet. E heqim nga zjarri dhe e përziejmë me gjalpin, vezët e rrahura dhe vaniljen. E lëmë të ftohet. Lyejmë një tavë me gjalpë dhe shtrojmë gjysmën e petëve duke i spërkatur me gjalpë midis secilës shtresë. Hedhim sipër kremin e përgatitur dhe e mbulojmë me pjesën tjetër të petëve duke i spërkatur me gjalpë. Presim anët e tepërta dhe sigurohemi që skajet të jenë mirë të vulosura. E vendosim të piqet në furrë të parangrohur në 180°C për 30-40 minuta, derisa të marrë një ngjyrë të artë. Ndërkohë përgatisim sherbetin duke zier ujin, sheqerin dhe fetën e limonit për rreth 5-7 minuta. E heqim nga zjarri dhe shtojmë mjaltin.
