Burani me spinaq
Përbërësit:
- 1 tufë spinaq
- 1 thelpi hudhër
- 1 qepë të thatë
- 3-4 qepë të njoma
- 3 lugë gjelle oriz
- 1/2 gotë uji
- 4 kokrra vezë
- Kripë, piper të zi
- Arrë moskat
- Kopër, majdanoz
- Pak nenexhik
Përgatitja:
Lajmë spinaqin, e lëmë të kullojë mirë dhe më pas e presim trashë. Në një tigan ngrohim 4 lugë gjelle vaj ulliri dhe vendosim 1 thelpi hudhër për të aromatizuar vajin. Shtojmë qepën e thatë të grirë hollë dhe e lëmë sa të zbutet pak, shtojmë qepët e njoma të prera në unaza, orizin dhe i përziejmë së bashku derisa qepa të ulë volumin. Shtojmë pak ujë dhe e lëmë orizin të ziejë për 8 minuta së bashku me qepën. Shtojmë dhe spinaqin në tigan. E përziejmë me kujdes dhe vendosim kapakun për 2-3 minuta. Në fund rregullojmë shijen me kripë, piper, kopër, majdanoz dhe nenexhik. I përziejmë dhe më pas thyejmë vezët dhe i vendosim mbi spinaq. I spërkasim vezët me pak kripë, ulim temperaturën, vendosim kapakun dhe i lëmë vezët të mpiksen.
