Byrek me mëlçi dhe qepë

Përbërësit:

• 1 pako petë të pjekura
• 3 qepë të mëdha
• 250 gr mëlçi
• 2 tufa ose 2 lgj nenexhik
• Oriz të zier
• Vaj ulliri
• Spec djegës
• Kripë, piper

Përgatitja:

Petët e pjekura i thërrmojmë dhe i përziejmë me vaj ulliri dhe nenexhik duke lënë dy petë të pa thërrmuara të cilat i shtrojmë si bazë në tavë. Mbi petët e hapura vendosim petët e thërrmuara me nenexhik. Mbledhim pak anët dhe e vendosim tavën në furrë në 180 gradë Celsius dhe e lemë derisa petët të marrin ngjyrë. Ndërkohë përgatisim mbushjen. Kaurdisim me vaj ulliri qepët derisa të zbuten, më pas shtojmë mëlçitë, pak ujë, spec djegës, kripë dhe piper dhe i lemë mëlçitë të ziejnë. Në fund shtojmë orizin e zier dhe masën e mbushjes e hedhim mbi petët e pjekura dhe e vendosim përsëri byrekun në furrë.