Pothuajse nuk ka asnjë person që të paktën një herë në jetë të mos ketë qenë në një situatë të tillë kur të ketë përjetuar një dridhje të duarve. Nëse kjo ka ndodhur para një takimi të rëndësishëm, është e qartë se ia atribuoni emocionit, apo në ndonjë situatë të rrezikshme sigurisht që frika dhe paniku ndikojnë në dridhjet apo kontraktimet e pavullnetshme të muskujve. Por mund të ketë raste që të kemi dridhje duarsh dhe pa asnjë arsye. Çfarë 'fshihet' pas dridhjeve të duarve, çfarë ndodh në trupin tonë? Nga cilat sëmundje apo problematika shëndetësore po paralajmërohemi? Në lidhje me këtë shqetësim flasim në rubrikën 'Bima dhe Shëndeti' me specialistin e bimëve mjekësore Ylli Merja, i cili në studion e "Rreze Dielli" tregon problemet shëndetësore që fshihen pas dridhjes së duarve dhe mënyrat natyrale të trajtimit të tyre.