Kur kishte kaluar afërsisht një muaj nga ekzekutimi i Azem Hajdarit hetimet për ngjarjen e rëndë vijonin. Në numrin e datës 10 tetor 1998-të gazeta Koha Jonë sjell një bisedë me Jaho Mulosmanin( Salihin) që akuzohej nga PD për atentatin. Ky i fundit mohonte të ishte mes autorëve ndërsa kryeministri Majko kishte zhvilluar një takim në SHIK dhe kishte dhënë ultimatum për të gjetur autorët e vrasjes së liderit të lëvizjes së dhjetorit. Koha Jonë në faqe të parë shkruante: “ Salihi: Nuk e vrava Azemin”. Ndërsa në Gazetën Shqiptare titulli kryesor ishte ky: “ Ceka: Malaj në gjyq” ku kreu i PAD akuzonte ish-ministrin e Financave.