Çomlek me qepë
Përbërësit:
- 1 kg qepujka / qepë
- 1 kokë hudhër
- 2 filxhanë kafeje vaj
- 1 lgj salcë domate
- 1 fk verë ose uthull
- 2 gjethe dafine
- Kripë, piper
- Pak kanellë
Përgatitja:
Në një tigan me yndyrë kaurdisim qepujkat të pa prera ose qepë të prera në katërsh. Pasi i kemi kaurdisur mirë qepët shtojmë salcën e domates, pak spec, kripë, piper, gjethe dafine, thelpinjtë e hudhrës të paqëruara nga cipa, pak dru kanelle ose 2-3 copë karafila. E shuajmë gatimin me uthull dhe më pas shtojmë ujë ose lëng mishi sa të mbulohen qepët në 3/4 e vëllimit që ato zënë. Vendosim kapakun dhe e lëmë çomlekun të gatuhet avash avash në temperaturë të ulët.
