Në qendër të Gjirokastrës, qytetit të gurit dhe të mjeshtarisë së rrallë, tradita nuk jeton vetëm në muze, por në duart e një gruaje që e kthen të shkuarën në një art të gjallë. Në zemër të këtij qyteti, në një atelier plot ngjyra, motive dhe kujtime shekullore, punon me pasion dhe përkushtim Buqe Muka, artizanja që i ka dhënë një dimension të ri rikthimit të kostumeve tradicionale shqiptare, duke sjellë në jetë veshje 200-vjeçare siç kanë qenë dikur.