Si të heqim pikat e zeza në kushte shtëpie? Të gjithëve na ndodh të kemi pika të zeza në fytyrë. Ato ndodhin kur poret e lëkurës janë të bllokuara si dhe nga qelizat e vdekura. Dallimi midis pikave të zakonshme ndaj atyre të zeza siç i quajmë në jetën e përditshme, është se poret e tyre janë të hapura dhe në kontakt me oksigjenin në ajër ato kthehen në pika të zeza. Le të theksojmë se pikat e zeza nuk janë shkaktuar nga papastërtitë, madje ne mund t’i bëjmë të tilla duke i prekur me dorë. Pikat e zeza janë problematikë e shpeshtë që ndodh te lëkurat e yndyrshme ose mikse në zona të caktuara. Aq të thjeshta sa janë për t’u formuar, aq të vështira janë ndonjëherë për t’i hequr qafe. Por për gjithçka ka zgjidhje, Niki me Stelën në “Bëje vetë’ na tregojnë përzierjen natyrale për largimin e pikave të zeza në fytyrë.