Përtej suksesit në sipërmarrje dhe teknologji, Rei Canka ka edhe një histori personale që ka ndikuar thellësisht në mënyrën se si e sheh jetën dhe zhvillimin personal. Ai ndan për herë të parë rrugëtimin e tij drejt një transformimi të madh fizik dhe mendor. Dikur obez, Rei arriti të ndryshojë stilin e jetesës dhe të transformojë trupin brenda tre muajsh falë disiplinës, përkushtimit dhe metodës. Për të, kjo përvojë nuk ishte vetëm një ndryshim në pamje, por prova se me vullnet dhe këmbëngulje mund të arrihen objektiva që në fillim duken të pamundura.