Zonja Albana solli tre receta festive plot shije në “Rreze Dielli”. Recetat e përzgjedhura për ditën e sotme ishin: Brinjë viçi me gështenja dhe perime / Tutmaç, qofte në petë / Diples me arra dhe sherbet.
'Shpirti i festës', fëmijët interpretojnë në studion e “Rreze Dielli” pjesë nga shfaqja dhe japin mesazhe për festën e Vitit të Ri… Troli dhe Shpirti i Festave, është një shfaqje me kukulla e interpretuar nga fëmijë të grupmoshës 7-10 vjeçare. Fëmijët kanë vendosur që këtë shfaqje, gjatë periudhës së festave ta shfaqin për bashkëmoshatarët e tyre dhe të mund t’u ofrojnë atyre kohë të vlefshme në këto ditë pushimesh. Mesazhi i shfaqjes së fëmijëve është që ata të kuptojnë se arsyeja e vërtetë e festave është koha e kaluar me njerëzit tanë të dashur dhe jo dhuratat.
Eglis Toska studion muzikë në Shkollën Artistike Onufri në Elbasan në instrumentin e kitarës. Përveç muzikës, aktrimi është një tjetër pasion i tij, që në moshë fare të vogël ka ndjekur kurse aktrimi me profesorët dhe artistët Leonard Bombaj, Marjana Kondi, etj. Dëshira më e madhe e 14 vjeçarit Eglis Toska është të bëhet aktor dhe një showman. Në studion e "Rreze Dielli" 14-vjeçari i talentuar Eglis Toska interpreton një monolog drithërues për largimin e shqiptarëve nga atdheu.
