Hashure me fruta të thata
Përbërësit:
- 250 gr grurë
- 2 litra ujë
- 100 gr sheqer
- 1 majë luge kripë
- 2 lgj niseshte
- 2 lgj arra
- 1 lgj lajthi
- 1 lgj bajame
- 1-2 lgj rrush i thatë
- 3-4 fiq të thatë
- 2 lç kanellë
- 1 lk karafil
- ½ shegë
Përgatitja:
Fillimisht vendosim në ujë të ngrohtë grurin dhe më pas e vendosim të ziejë për aq kohë sa të zbutet kokrra. Pasi gruri të ketë shpërthyer shtojmë sheqerin, pak kripë, rrushin e thatë të cilin e kemi vendosur më parë të zbutet në ujë, fiqtë e thatë të prerë hollë, karafilin, lajthitë, bajamet dhe arrat e thërrmuara. E lëmë lëngun e hashures të trashet duke shtuar dhe pak niseshte. Pasi të bëhet trashja e duhur e zbukurojmë sipër me fruta të thata dhe kanellë dhe e lemë të ftohet në frigorifer, në mënyrë që t’a shërbejmë të ftohtë.
