Mishi është një nga produktet që zë një vend të rëndësishëm në tryezat tona, por kur shkojmë te kasapi, shpesh zgjedhim me sy, me çmim ose thjesht sipas zakonit. A e dallojmë vërtet mishin e freskët? A e dimë se cila pjesë është më e përshtatshme për tavë, për qofte apo për një supë të mirë? Pse disa pjesë të mishit kushtojnë më shumë se të tjerat? Dhe çfarë duhet të dimë para se të kërkojmë gjysmë kilogrami mish të grirë? Po fileton e pulës dimë ta zgjedhim, po kockat pse kanë çmime të ndryshme dhe cilat na bëjnë më tepër punë? Me kameran e “Rreze Dielli” kemi ardhur te një dyqan mishi në kryeqytet, “Mish Berati”, për të zbuluar disa sekrete të zanatit dhe për të marrë këshilla që mund t'i përdorim që në blerjen e radhës.