Kimë me vezë
Përbërësit:
- 400 gr mish i grirë
- 4 kokrra vezë
- 1 lgj koncentrat domate
- 500 gr qepë
- 20 gr oriz
- 4 lgj vaj luledielli
- Kripë
- Piper i zi kokërr
Përgatitja:
Qepët i grijmë hollë me pak ujë, i lëmë të gatuhen, më pas shtojmë vaj dhe i kaurdisim. Shtojmë mishin e grirë dhe vijojmë me gatimin. I japim ngjyrë me salcën e domates, rregullojmë shijen me kripë e piper duke shtuar dhe pak ujë. Në fund shtojmë orizin dhe e vendosim kimën në tavë duke bërë 4 gropëza ku hedhim vezët. E lëmë kimën në furrë për 20 minuta.
