Kulaç me miell misri dhe kos

Përbërësit:

• 200 gr miell misri i bardhë
• 100 gr miell misri i verdhë
• 2 vezë
• 4 lugë gjelle kos
• Pak kripë
• Pak sodë buke
• Ujë i vluar
• Vaj ulliri

Për masën sipër:

• 5 lugë gjelle kos
• Ajkë qumështi
• Hudhër sipas dëshirës
• Kripë

Përgatitja:

Përziejmë dy llojet e miellit me kripën dhe sodën e bukës. Shtojmë vezët, kosin dhe gradualisht ujin e vluar, derisa të bëhet një masë e trashë dhe kremoze. Shtojmë pak vaj ulliri, e përziejmë dhe derdhim masën në tepsi të lyer. Sipër vendosim përzierjen me ajkë, kos, kripë dhe hudhër. E vendosim në furrë të parangrohur në 180°C për rreth 30–35 minuta, derisa kulaçi të marrë ngjyrë të artë në sipërfaqe.